منذ سنتين فضحت المخرجة اللبنانية ريما الرحباني ابنة الاسطورة فيروز شركات الاتصالات في لبنان الاي أوقفت خطها وباقة الانترنت رغم أنها دفعت المستحقات المالية المتوجبة عليها.
لم تصمت ريما لأنها لا تخاف من كلمة الحق، بل حثّت الكل على ضرورة رفع الصوت عاليًا تجاه أي ظلم يتعرضون لها.
اقرأ: ريما الرحباني: انا ملقبة بالبعبع
وكتبت:
(انا متل معظم المواطنين المُسالمين موَطّني خطّي عالبنك ت إرتاح!! من ٢٢ سنة ولا دريانة فيه! هيداك الشهر فجأة عم أطلب شخص ضروري انا وعلى الطريق!
بِتفاجأ إنّو خطّي مقطوع! وباعتينلي رسالة إنّو الرجاء تسديد الفاتورة! باردون؟ رجعت عالبيت وطلبت البنك مُستنكرة مع شويّة بَرش بما فيه النصيب
على اللي حصل معي! وطبعاً مساقبة سبت أحد فرصة!
تلات ايّام تَ مِشي حالي! وأعدنا توطين الخط عن جديد بعدما قلبو أم تي سي عاللبناني! ووصلني رسالة من أم تي سي إنّو تم توطين الرقم كذا مذا بنجاح اليوم عم ببعت رسالة لصديق ما راحت الرسالة! العمى! وصلني بدالا رسالة إنّو عزيزي المُشترك تَمَّ فصل خطك!
الرجاء تسديد الفاتورة قبل ٢٢ اب تطلَّعت بالتاريخ نحنا ١٢ آب! العمى! وليه فَصَلوه؟)
اقرأ: ريما الرحباني مشتاقة لزياد الرحباني وتحيي ابن عمّها
وتابعت: (طلعت المَبرشة اللي فيّي ع جميع الأصعدة! ومش عارفة منين بدي بلّش! ومن ساعتا اي من الضهر! بجرّب اطلب ١١١ بيطلعلي مكنة بتضل تحكيني وتعطيني إرشادات تلات ارباع الساعة! إكبسي هيك إعملي هيك شيلي هيك وبتفصلي المُكالمة بعد وقت معيّن تما أوصل لولا اي كائن حَيْ! إقدر إحكيه! جرّبت من كل شي في خطوط أرضي وجَوّي وعابر للقارَّات.. واصحاب وبني آدمين.. عبث ذات اللعبة! رحت عالويبسايت تبع الإخوان التَتْشِيّين! وبعد ميّة الف قصّة وحكاية وتفِنغة بعتلُّن الآتي: “ما بفهم كيف خطّي موطّن تإرتاح منكن ومن قرفكن ورغم التوطين هيداك الشهر قطعتولي خطّي وهالشهر ورغم إعادة التوطين مرّة تانية رجعتوا قطعتولي خطّي!! وما تاركين وسيلة إتصال فيكن غير مكتوبة! ما شفت شركة عندا قلّة إحترام للبشر أكتر منكن وفوق كل شي المهلة للدفع لغاية ٢٢ آب ورغم كل هول اليوم قطعتولي خطّي يا عيب الشوم عليكن شو بلا أخلاق الله لا يوفقكن انتو وشركتكن وطريقتكن ومعاملتكن وسرقتكن ونهبكن وقلة أخلاقكن” وبعتُّو!! ما في تلات دقايق إنفصل الإنترنت!!)
اقرأ: ريما الرحباني تنشر جنازة والدها وكيف كان لبنان مقسومًا
)
