علّقت ريما الرحباني ابنة الأسطورة اللبنانية فيروز على الحفل الضخم الذي أقامة الموسيقار اسامة الرحباني مع هبة طوجي تحت عنوان (ليلة أمل) الذي اقيم منذ ايام في الفورم بيروت وكان الدخول مجانيًا.

خلال الحفل فاجأت اليسا كل الحاضرين حين غنّت ميدلي مع هبة للسيدة فيروز، ومن المعروف ان اليسا تعشق جارة القمر كثيرًا وتغني لها دائمًا في حفلاتها وهذا ما كان يزعج ريما التي منعت مؤخرًا غناء اغاني والدتها في الحفلات، وكانت هاجمت اليسا مرارًا.

اقرأ: اليسا تتحدى ريما الرحباني: سأجرؤ دائماً – وثيقة

اما علاقتها بأسامة الرحباني، ابن عمّها منصور الرحباني، مضطربة وليست جيّدة.

كتبت ريما نصًا هاجمت فيه اليسا من الحفل ووصفت اسامة بكلمة غريبة (الطبل)، وقالت:

وتابعت: (الحق مش ع إليسا! واليسا باللي صار ضحيّة مش مجرمة المجرم الأوّل والأخير هوّي الطبل اللي داير إليسا والتوابع ومعتقد حالو بيحقلّو يتصرّف ويأذن للفنانين يغنوا أغاني فيروز ومعتقد بيحقلّو يشوّه ويبهدل هالإرث براحتو بيدون حسيب ولا رقيب! وهالشي كلو فقط لأن عبقري متل زياد أعاد بعض الأغاني!ً فإعتقد الطبل إنو هو كمان عبقري ووريث وو بدّو يعيد ووو نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين! بس معليش.. إلا ما يصير في دولة وحبوسة فهيدا الموضوع ما رح فوت فيه هلق! المهم بالموضوع إنّو شغلة اللي بدّو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلتو مينيموم يعلّم الفنان أصول اللفظ واللحن والأداء والكلاااااااااااام والكلام)

اقرأ: ريما الرحباني: عاصي وفيروز عملولكن وطن وبعتوه بفرنكين!

وأضافت: (مش شغلة المغنّي يغنّي ع ليلاه! وينبش كلام من ذاكرتو وقت كان عمرو عشر سنين! واللي بدّو يعمل تحيّة ولو كذّابيّة لعمّو أقلّه يحترملو ألحانو ويحترم ورثتو خاصة اذا كان عارف ومأكّد إنّو الورثة ما بيريدوا هالأغاني بالذات تنعاد (ورثة الياس) واذا بتمرق ع بعض الناس إنّو هاي فعلا تحيّة ما بتمرق ع كل الناس إنّها كذّابيّة! عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟ومصدّق حالو ونازل فيهن بهدلة إنّو هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً كيف بيوقف الشخص كيف بيحرك إيدو كيف بتحرك الراس وين بيلتفت أيمتى بيلتفت كل شاردة وواردة بدّو يكون راضي عنّا… وما بيعجبو العجب! والله العظيم تحط نفسك في مواقف بايخااااااااااا هاي ما كانت تحيّة هاي كانت إهانة لأعمال عاصي ومنصور والياس وبس بزيادة هلّق!)

اقرأ: ريما الرحباني تنشر صورة جديدة لفيروز

وختمت ربما: (أخيراً أخيراً أخيراً في عاصي الرحباني واحد ما في غيرو ولبعد ألف سنة ما بيجي غيرو! عرفت كيف؟ شد طلوع شد طلوع اوعى ما تزمّر ع الكوع)

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار