منذ سنتين تتواصل المخرجة ريما الرحباني ابنة الأسطورة اللبنانية فيروز مع متابعيها بين فترة وأخرى، وتنشر لهم فيديوهات حصرية لوالدها الراحل عاصي الرحباني او تروي لهم قصصًا واقعية وحصرية عن والدتها وعائلتها وحتى عن خلافاتها مع أولاد عمّها منصور الرحباني.
اليوم روت لهم عم غسان الرحباني ابن عمّها الياس الرحباني وكتبت:
اقرأ: ريما الرحباني مشتاقة لزياد الرحباني وتحيي ابن عمّها
(صباح الأحد والرواق والشوب انشالله تكونوا مليحين بالفن ما في وصول في مشي بدّو يضل يمشي الواحد” عاصي الرحباني الفن يا جماعة لاللي ما بيعرف هوّي تجارب.. هوّي مش قاعدة دهبية بتتبعا بيمشي حالك! لاء أبدا مش هيك الفن هوّي صدق وإخلاص! تعبّر عن نفسك بصدق وإخلاص!” هيك بيقول عاصي الرحباني وهيك انا بعتقد قبلما أعرف إنو هيك بيقول عاصي الرحباني. وبالفن ما في وصول في مشي بدو يضل يمشي الواحد كمان هيك بيقول عاصي الرحباني)
اقرأ: ريما الرحباني تنشر جنازة والدها وكيف كان لبنان مقسومًا
وأضافت: (بإختصار انا منّي ضد النقد بس تركوه لناسو إن وُجِدوا! ولنّي ضد الناس تقول حبّت او ما حبّت!
بالعكس بتمنّى كل إنسان يقول رأيو وبحترم كل الآراء! وبأكّدلكن ما بزعل أبدا من الناس اللي ما بتحب أي عمل وبحترم كل شخص بيقول رأيو بإحترام! بس ما بقدر لا إحترم ولا إقبل اي إنسان بيتهجَّم بالشخصي
او بالنعوت المجّانية او بالمقارنة المعيبة..
وما بقدر إبلع هالشي ولا إقبلو ولا إحترمو! بخصوص غسان غسان بإنطلاقتو بلّش بفرقة خاصة فيه، يألّف أغاني هارد روك بالإنغليزي تقلّكن بحب هالنوع من الموسيقى؟ لا ما بحب الهارد روك من أساسو! بس للصراحة ما بقدر ما إحترمو لأنّو عمل تجاربو الخاصة وما قلّد حدا)
اقرأ: ريما الرحباني: بعدني عم دافع عن اليسا ومصرة تعمل نكايات
وتابعت: (وبعدين بلّش يدمج بين الهارد روك وكلمات أغاني إحتماعية بالعربي! إشيا نجحت وإشيا ما نجحت! طبيعي! وإشيا انحبّت وإشيا ما إنحبت كتير طبيعي!
خاصة وانّو عم يجرّب الزلمي مش عم يقلّد ولا آخد فورمولا ونازل يكزَّا من هون ومن هونيك ما فينا ما نحترمو لو ما منحب اللي بيعملو!! وهالشي بينطبق ع كل الفنانين اللي بيشتغلو فن! واللي بيجرّبوا بالفن!
واللي صادقين تجاه نفسن وتجاه الفن! وبس!)
وختمت: (نهاركن حلو ريما بنت حدَّاد وشدَّاد بَنِي عَبْس وعاصي الرحباني صاحبة أشهر آيفون بتاريخ آپل وْوْوْ بعد المُلقَّبة بال بَعْبَعْ)
)
