نشر الفنان تامر حسني صورةً له ظهر فيها مع شاب يعمل في فندق طلب التقاط صورة معه، قبل أن يتوجه لإحياء حفل زفاف في الفندق.
كتب: (الشاب الجميل دا شافني داخل اغني في فرح وقفني وقالي انا بشتغل تقريبًا ويتر هنا في الفندق وحبيبتي سابتني النهارده وانا زعلان اوي بس اول ماشفتك فرحت عشان بحبك جدًا وطلب مني نتصور بموبايلي وأنا اللي انزل صورته عندي عشان يفرح).
تابع: (قالي انا إسمي محمود كان نفسي اتكلم معاه بس كنت داخل اغني المهم يا محمود يا جميل بما اني معرفش ايه الأسباب اللي بعدتكوا عن بعض وبما اني مش ناسي الحزن اللي كان في عنيك هكلمك هنا).
أضاف: (أكيد الدنيا مش هتقف بيك اهم حاجه تفضل تشتغل زي مانت كدا راجل وسيد الرجاله وربنا ان شاء الله يصلحلك الحال وممكن ترجعوا او هيكرمك بإنسانه مناسبه ليك اكتر وخلي الخير بينكم حتى في الإنفصال جايز قربكم مش خير لبعض ربنا يكتبلك الصالح ويكتبلها الصالح، أهم حاجة هوصيك بيها اشتغل وإكبر وإنجح وطور من نفسك…. مين عارف جايز بعد سنين ربنا يجمعني بيك تاني واشوفك صاحب الفندق اوعى تضحك وتقول مستحيل شغلانتك وانا صغير اشتغلتها بس طبعًا مش في فندق شيك زي دا، كانت في مطعم أقل من البسيط وعشان راجل مايئستش فضلت ورا حلمي لحد ما وصلتله يارب توصل لحلمك انت وكل الناس وآدي صورتك يا عم منوره عندي اهي وتأكد ان كلامي إشاره ليك مهمه خليك شاطر وإفهم الإشارة).
