دافعت شيرين عادل زوجة النجم المصري رامي صبري، عنه، وردت على الهجوم الكبير الذي قام به مطرب الراب ويجز على زوجها بعد تصريحاته الأخيرة في أحد البرامج التليفزيونية.
اقرأ: هل تتسبب شيرين بطلاق رامي صبري؟
ونشرت شيرين جزءً من حديث رامي عبر حسابها على إنستجرام وعلقت قائلة: “ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولاً رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش اي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع ٥ شهور فاضى يا ريت كنا نتمنى”.
اقرأ: رامي صبري اعترض على صورة حفله وأدب المنظمين!
وتابعت: “أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم ١٩ مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيراً لما تحب تعمل داعية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك”.