سلاف فواخرجي اتهموها بدينا هارون وهكذا ردت

بطريقة غير مألوفة ردت سلاف فواخرجي على إحداهن: “مع انو مو من عادتي رد، بس كمان نسيتي امي وخالتي واختي وخالي وخالتي وعمتي وحماتي ، فقدت سبع اشخاص بفترة قريبة، وبالاخير زميلتي، وماعرفت كيف رجعت للحياة بالف صعوبة وبعدني عم اتعافى وماقصرت باتجاه زميلتي ولابيوم وبتوقع ما قصرت مع حدا، وحزني بقلبي ماعم يخلص ومو مضطرة قدم تبرير..

وتابعت سلاف: “أي زميل تضامن معي يوم حزني صدقته بالمطلق حتى لو راح واجا وعاش حياته، الحزن بالقلب مو استعراض، وبعدين مارحت حفلات صاخبة مثلا لتلوميني، واعتذرت عم كل شي في مهرجانات ومقابلات لاني مو قادرة اصلا ولحتى كمان ما اسمع هيك تعليقات سهلة بالنسبة الكم بس صعبة على غيركم.. وبتوقع انو عندي درجة من الحساسية والعالية جداً وبتمنى تقوليلي اذا في قواعد معينة للحزن ومدة معينة لاضحك ولا لنزل صورة ولا لاحضر فن تشكيلي ولا لارجع للحياة..

اقرأ المزيد: سلاف فواخرجي لدينا هارون

وتابعت سلاف: “خلينا نبطل نكون اوصياء، ونحس بالبشر.. بغض النظر فنان او شي تاني.. عندي حزن بيغطي الكرة الارضية والله يبعد عنك الحزن، بتسمحيلي حاول ابتسم ولو غصب عني، حاول عيش تفاصيل حياتي حتى ولو عم كذب على حالي.. او اكتب او اسمع غنية ؟ ولو كانت هالاشيا دوا لروحي بتسمحيلي عيش”.

وبالبحث عن أسباب هذا الجواب الغاضب تبين لنا أن أحدهم أو إحداهن عاتبها بقسوة لأنها نشرت صوراً لها وهي في أحد الأماكن وقال لها أو قالت لها: “يعني انا من معجبينك بس احتراما لوفاة زميلتك دينا هارون لازم ما حدا من الفنانين ينشر صورو وروحاتو وجياتو شي كم يوم عالقليلة.. ما بتأثرو الفنانين”.