علق المخرج محمد_سامي، على انتقادات دعمه المستمر وحبه لزوجته مي_عمر، وعمله معها، وخصوصًا مسلسلها الذي يعرض الآن خلال شهر رمضان وهو “نعمة الأفوكاتو”.
اقرأ: نجلاء بدر: لن أعمل مع محمد سامي بوجود زوجته
وقال سامي خلال استضافته ببرنامج “أسرار” مع المذيعة أميرة بدر المذاع على قناة النهار: “مي بتخلي حياتي مستقرة، وبتدعمني جداً عشان انجح، وهي صديقتي صاحبة الرأي الصادق”.
وتابع سامي عن مسلسل نعمة الأفوكاتو والتي تقوم ببطولته زوجته مي عم قائلًا: “نعمة الأفوكاتو من احسن المسلسلات اللي أنا عملتها، وانا كتبت المسلسل وعرضته عليها وهي صاحبة اضافة ان نعمة تكون من الطبقة الاجتماعية دي، ومي بتاكل غيرنا لانها مينفعش تزيد جرام فالطبيعي، لكن في المسلسل لقيتها بتاكل عيش ومربى وحاجات غريبة عشان تتخن، وتقولي نعمة عايزة كده لانها من مشغوليتها مش مهتمة بجسمها”.
تابع قائلًا: “وبعد ما خلصنا قلبت البيت چيم ورجعت تاني للرياضة واتغيرت خلال 3 اسابيع”.
كما تحدث عن المخرج يوسف شاهين قائلًا: “هو جزء من التراث وهو انجح مني ومش اكتر مخرج بحبه، ومقارنتنا بالتراث ظلم لينا وتقليل منهم”.
اقرأ: محمد سامي: بغير على مراتي لكن تلبس اللي هي عايزاه!
وتابع عن نجاحه في السينما ومقارنته بنجوم الزمن القديم قائلًا: “لو قبل العالم ان يصنع اساطير هنبقى زي زمان، وانا ناجح دراميا ومستني اعمل كده في السينما”.
واضاف سامي في حديثه عن اعماله الجديدة قائلًا: “عندي افلام احسن بس بخاف ونفسي معملش اعمال تجارية، وبشتغل على فيلم كونغولي ومعايا حقوق القصة ومعالجة كاملة ومعايا كاتب معاه الاوسكار امريكاني وبيكتب في الفيلم، وكنت مرشح لست حلقات لمسلسل عالمي لكن مخرج تاني اللي عملها”.
واستطرد قائلًا: “نفسي اخد الاوسكار ونفسي اوصل للعالمية بطريقتي، عمري ماطلبت من ربنا حاجة صغيرة بطلب بطمع دايماً”.
