حلت الفنانة المصرية منة_عرفة، ضيفةً على برنامج “سابع سما”، المُذاع على فضائية “النهار” والذي تقدمه المذيعة اللبنانية راغدة_شلهوب.
انهارت منة من البكاء عند الحديث عن زوجها الممثل الشاب محمود المهدي، موضحة أنها مرت بمرحلة صعبة بعد طلاقها منه.
قالت منة: “أنا زعلانة من نفسي شوية، لأني قصرت في حق نفسي كتير.. ولكن ملحوقة إن شاء الله”.
تابعت: “مرحلة صعبة عليا جداً، لأن مفيش حد يحب إنه يتعلق بحد، وبعدين الموضوع للأسف ميكملش.. مفيش حد يحب إن يحصله كده أكيد”.
اضافت: “رغم المشاكل الكتيرة اللي حصلت، ولكن في الآخر الواحد بيزعل وبيحزن على فراق الشخص نفسه، خاصة إن كان بينكم تفاصيل كتيرة.. علشان كده أنا زعلانة”.
اعترفت إنها حتى الآن لا تزال تحبه فقالت: “أنا بحبه جداً، وبكنله كل الحب والاحترام”.
استكملت: (انفصلنا مرتين ونعمل الآن على استخراج أوراق الطلاق، احنا لحد دلوقتي ماشيين في إجراءات الطلاق الرسمي، لأن الطلاق مش بين يوم وليلة”.
وتابعت: “فيه تفاصيل بينا بنخلصها، وفيه بيزنس معين ما بين الأهل، وبالتالي كل ده بنخلصه حالياً علشان يتم الطلاق الرسمي”.
وعن علاقتها مع زوجها، قائلت منة عرفة: “كانت سنة فيها حاجات حلوة، وحاجات وحشة، زي أي اتنين، واحنا بنتكلم حالياً، بس اننا نرجع لبعض ديه بتاعت ربنا.. أنا مش بكرهه بالعكس، ده شخص عشت معاه حاجات كتير أوي”.
منة انفصلت عن محمود بعد هجومه الشديد على كل من إلهام_شاهين، ونقيب المهن التمثيلية أشرف_زكي.
وجدت منة أن سلوكيات المهدي أدخلتها في العديد من المشاكل في الوسط الفني، وهو الأمر الذي أزعجها كثيرًا خصوصًا أنها تحب الفن ولا تفكر في ترك المجال أبداً.
اقرأ: منة عرفة بفستان مفتوح وهل يليق بها؟ – صورة
قصة هجوم المهدي على أشرف زكي وإلهام شاهين:
كان الدكتور أشرف زكي نقيب المهن التمثيلية، انتقد محمود المهدي زوج امنة بعدما هاجم الأخير الفنانة إلهام شاهين.
دافع زكي عن إلهام قائلاً: لن نترك أحدا يهين فنانا وينال من سمعة الناس.. واحد نكرة كاتب على نفسه فنان بيشتم فنانة كبيرة.. وبقوله أنت منتحل صفة فنان، مفيش فنان أيها النكرة قليل الأدب.. بقينا مادة ثرية لكل من يبحث عن الشهرة.
محمود المهدي لم يصمت ورد سريعاً على هجوم النقيب قائلًا: “معلش والله أنا نكرة بس راجل الحمد لله وعندي وش واحد مش فنان وطبال هي الأصوات دي فين لما الفنان محمد صبحي اتشتم عيني عينك ولا عشان أنا معنديش رز”.
كما توعد النقيب بمقاضاته، وقال: (هيتم أخذ الإجراءات القانونية من شخص مفروض قدوة للفن والممثلين).
وأضاف: (ومفيش حد فوق القانون، وللأسف مافيش حد هيقف معايا في ده عشان المصلحة بس الحمد لله الأهم من كل ده ربنا معايا، وعمري ما هسكت لما أشوف حاجة غلط).
كان الفنان المصري محمود المهدي، رد على تصريحات الفنانة المصرية الكبيرة إلهام شاهين، عن زوجته الفنانة منة عرفة، بعدما هاجمتها بسبب رفضها اداء مشاهد رومانسية.
كتب المهدي عبر صفحته: (كان في حد من الوسط الحلو ده بيقول اللي مش عايز مشاهد البوس مايشتغلش).
تابع: (معلش حد يتجوزها ونخلص،بعد كدة هتغتصب الرجالة).
شاهين قالت خلال لقائها ببرنامج (حبر سري)، الذي يعرض على شاشة “القاهرة والناس”: (مبقاش في مشاهد ساخنة في السينما، أي بقا اللي موجود دلوقتي اللي هما بيرفضوا اللي أنا سمعتوا وقريتوا، أن واحدة واقعة على الأرض ومغما عليها، أو دكتور يمسك إيدها يقسلها النبض، لو قالت محدش يمسك إيدي يقسلي النبض، طيب المخرج يعمل إيه، متشتغليش).
وأضافت قائلة: (مثلا منة عرفة ومحمد نجاتي، يعني أيه وقعت على الأرض فالمفروض يشيلها، فا لامحدش يلمسني، دا دكتور بيقيس النبض بيشوفك عايشة ولا ميتة، دا مينفعش).
