بالتزامن مع أنباء انفصال الفنانة المصرية داليا مصطفى، عن زوجها الفنان شريف سلامة، أدلت داليا بتصريحات تشكك بصحة تلك الأنباء.
اقرأ: هيفا وهبي بقميص النوم – صور
كشفت الفنانة داليا مصطفى، تفاصيل إصابتها بـ مرض السكري، موجهة رسالة للسيدات للحفاظ على صحتهن الجسدية والنفسية، بجانب مناشدتها بتدريس كيفية الدعم النفسي للطلاب في المدارس.
وقالت داليا مصطفى: “الداعم الوحيد للمرأة هو نفسها وهي اللي لازم تحافظ على نفسها هي اللي عايشة مع نفسها لغاية آخر يوم في عمرها مش حد تاني”.
وعن أسباب إصابتها بمرض السكري تحدثت عن الخذلان والأسى وكأنها تعاني من مشاكل زوجية فقالت: “الخذلان والأسى والسيطرة، حاولت أتنازل وأني أبقى مسيطرة ومركزة على كل حاجة، وبطلت أتوقع أي حاجة من أي حد، والخذلان مرض بيسبب أمراض غير طبيعية، وبحاول كل يوم الصبح وبالليل أشكر ربنا وأعد الحاجاة الكويسة اللي عندي، وأنا مريت بتجارب مؤلمة وبحاول أفهم، وده اللي المفروض أي بني آدم يكون عنده رحلة وعي، سكري الحمدلله معدلاته بقت أحسن كتير”.
وتحدثت داليا مصطفى، عن تعرضها للعديد من التعليقات السلبية بعد كشفها عن إصابتها بمرض السكري، قائلة: “الناس كانت بتقول كلام جارح ومؤلم بعد ما أعلنت إصابتي بالسكر، وقالوا علشان كده شكلها رفيع، ولكن على الجانب الآخر اتبسطت لأني لقيت أمهات كتير قالولي أن بناتهم لبسوا جهاز للسكر وهما مش مكسوفين، وأنا مش مكسوفة أني عندي السكر، لأني كنت بشوف نظرات الناس فيها ألم وإشمئزاز وأنا باخد حقنة الأنسولين”.
وناشدت داليا مصطفى، بتدريس الدعم النفسي للطلاب بالمدارس، قائلة: أنا بسمع حاجات مؤلمة وبتوجع القلب، إحنا لازم ندرس للأطفال يفهموا مشاعر الآخر والدعم النفسي وعدم التنمر، والدعم النفسي أهم بكتير من العربي والحساب.
