قالت زوجة شادي الأشقر، ابن صاحب سوبر ماركت “غولدن ستار” في جونيه، شفاء زوجها من فيروس كورونا، وذلك بعد مرور نحو أسبوعين على اصابته بالفيروس الذي نقل اليه من أحد المحامين في كسروان.
وأعلنت ميريام الاشقر بنفسها الخبر، قائلة:
“يمكن كلكن اسمعتوا شو صار مع شادي، و كيف لقط الفيروس، بس هيدا الفيروس ما كان عارف انو شادي و مرتو و ولادو واهلو شربوا من تراب مار شربل وما في شي بأثر فين.. عايشين بنفس البيت ونايمين وآكلين حد بعض ولكن الفيروس ما قدر علينا! هو يللي بيقولوا عنوا سريع الإنتشار لكل العالم اللي اتخالطت معنا كمان عاشت أيام كتير صعبة، خوفًا تكون لاقطا شي من شادي او مني بطبيعة الحال، او من حدا من قرايبينو”
وتابعت: “بس اليوم عندي خبرية الكن الحمدالله كلنا عملنا فحص الكورونا وكلنا طلع سلبي! وشادي اليوم فحصو كمان طلع سلبي! قدي عظيمة رحمتك يا الله ! هيدي اعجوبة مار شربل قلنا نشرب ترابه ونآمن انو ما في شي رح يتغلب علينا ! بالصلاة و الايمان منتغلب عكل شي!”