لاتزال أصداء حلقة الفنانة المصرية أنغام في برنامج (كاربول كاريوكي)، مع الفنان السعودي هشام الهويش، عبر قناة (دبي)، مستمرة ويتداول الجمهور مقاطع من حديث أنغام خلال الحلقة عبر مواقع التواصل الاجتماعي.
أنغام كذبت زميلتها سميرة سعيد خلال اللقاء، وقالت أن أغنية (اكتبلك تعهد)، كانت لها منذ البداية، على عكس ما قالته سميرة، بأن الأغنية عرضت عليها أولاً من الشاعر بهاء الدين محمد.
قالت أنغام إنها أضافت أجزاءً على كلمات الأغنية وطلبت من الشاعر بهاء الدين محمد إضافة مقطع (أنا عايزة نفسي حتى لو كل اللي باقي منها صوت).
بهاء الدين لم يصمت تجاه تصريحات أنغام، وكذبها منصفاً سميرة سعيد، فقال:
(الفيديو ديو ده إتبعت لى ومع الأسف مضطر أرد بإختصار، أولاً سميرة سعيد بتقول الحقيقة وفعلا كانت عندها الأغنية ولكن إختلفنا على لحنها وماكانتش سبب زعلنا خالص ولها كل الإحترام وبعدين سمعتها لأنغام وكتبت أكتر من كوبليه كعادتى وزى ماباعمل مع عمرو دياب مثلا ولكن الملحن الفنان إيهاب عبد الواحد كان ح يسيب الكوبليه اللى سمعتوه . ولكن ( أنغام أصرت إنه يلحنه وقالتلى هو يتعب لأنك كاتب كوبليه هايل ) وهو ده اللى حصل بالظبط وأنا ماحدش بيقولى أكتب إيه ولا مطرب ولا مطربة بيقولى أكتب إيه وإلا كانوا عملوا من غيرى شعراء وكان لازم أوضح لأن كلمات أكتبلك تعهد كانت سبب مهم و أساسى فى نجاح الأغنية مع إحترامى للملحن والمطربة ولكن لن أقبل حد يقول إنه بيشاركنى ف دورى لأن الأغنية دى بالذات غيرت الخريطة والمراكز وأنا شاعر له ٢٥٠٠ أغنية مفيش حد له بصمة فى كلماتى ولا يتدخل فى أفكارى مع إحترامى للجميع وشكرا بس غيرتى على موهبتى اللى تعبت فيها سنين لا أقبل التقليل منها لهدف لا أعلمه بس هى مواقف بتعلمنا نكون على حذر . وأسف بس كان لازم أرد . ولو حد بيدينى أفكار ليه ماعملش مع غيرى كده وطلع نفس المستوى .!!! اللى إتقال ده غلط كبير !!! وعنوان الموضوع لا اقبله على سميرة سعيد لأنها شخصية محترمة جدا وعشرة سنين ونجاح وعيب يتقال عليها كده من أى حد أو جهة).
https://www.instagram.com/p/BwaMYx3FHNa/?fbclid=IwAR3x5ghwi7W44-Lx0s6tHJ4v9bE9c-lSsf2jq9oVjUGDvV8IQxk0YJle35Y