طمأنت الفنانة المصرية الشابة رحمة حسن، محبيها على حالتها الصحية بعد تعرضها لعضة كلب شرس منذ نحو شهر.
كتبت رحمة، عبر صفحتها: “للأسف إحنا عملنا اللي علينا ومحصلش أي جديد بخصوص الكلب، وكل شوية تأجيل تأجيل، بداية بإن مفيش مكان عاوز يقبل الكلب لأن سنه 4 سنين ونص، لحد آه إن شاء الله بعد العيد نبقى نجيبله مدرب البيت بس لسه مش عارفين امتى”.
إقرأ: كيف ردت زوجة كيفانش تاتليتوغ على مشهده الجنسي؟ – صورة
تابعت: “حبيب بس أشارك معاكم اللي حصل، امبارح كانت آخر حقنة ليّا، وطبعا بعدها تعبانة لمدة يومين ومن أسبوعين فاتوا، بعد الحقنة الرابعة دخلت المستشفى بالليل لأنيكنت تعبانة جدا بعدها، لو الكلب كان مدرب أو عارف أن مينفعش يهجم على إنسان من الأول مكنش كل ده حصل، وللأسف مفيش مسئولية“.
كانت الممثلة المصرية رحمة حسن، اعلنت عن تعرضها لحادث عض من كلب شرس، وذلك أسفل منزلها.
اقرأ: أصالة: انتظر أن اصبح جدة! – فيديو
كتبت رحمة عبر صفحتها:
(امبارح الساعه ١١ بليل كنت نازله اجيب حاجه من السوبر ماركت جمب البيت ،وكنت ماشيه علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته ،طبعا حاولت اجري لكن للاسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضه كبيره وغويطه بنابه في منطقه حساسه . صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر).
إقرأ: نور التركية تطالب بتبني القطة وهل نتعلم حقوقنا من الحيوان؟ – صورة
اضافت: (امبارح صاحبت الكلب قالتلي متخافيش هو عض ولادي قبل كدا وتمام محصلش حاجه ! طبعا انا اتصدمت لما عرفت انها مَش اول مره الكلب يعض حد ومع ذلك هي سايباه عادي في الشارع منغير كمامه او حد قوي يمسكه .. بجد حرام عليكم ، الكلب لما بيكون حجمه كبير وشرس بيعتبر سلاح ،وصاحبه مسؤل مسؤليه كامله عنه ويحاسب علي اهمال مسؤليته ، خصوصا لو اهماله تسبب لشخص تاني في اذي بدني يحتاج اكتر من ٢١ يوم علاج واذي نفسي ماعرفش هايحتاج قد ايه عشان يخف).
اختتمت كلامها: (انا كنت بحب انزل احط اكل ومايه للكلاب والقطط تحت البيت ، دلوقتي انا حقيقي مرعوبه اقرب منهم وخايفه جدا .انا اسفه طولت عليكم بس انا بجد مَش عارفه المفرود اعمل ايه عشان محدش تاني يتاذي).