بعدما أعلن الفنان المصري هيثم شاكر عن مرضه الخبيث وفاجأ الجمهور، تحدثت صديقته الفنانة المصرية شذى عن تفاصيل مرضه وظروفه الصحية التي لم يكن الجمهور يعلم شيئاً عنها طوال الفترة الماضية.
كتبت شذى: (من امبارح بيجيلي تليفونات اللي زعلانين مني علشان أنا من أصحاب هيثم القريبين وكنت عارفه ومقولتش على مرضه واللي أصلا بيشكك أن هيثم كان تعبان عموما علشان مش هينفع أرد على كل المكالمات هيثم كان فعلا مريض بمرض خطير ربنا يبعد كل شر عن أي حد يا رب والحمدلله هو تعافى بس هو لسه في حاجات كتير محروم منها و أهمها حاجه أساسية لأي كائن حي وهي نعمة الأكل هيثم لحد دلوقتي وهيفضل كده ميقدرش ياكل بشكل طبيعي وده سبب اختفاءه كل الفتره دي).
تابعت: (و( توضيح ) وسبب أن هو فقد كتير جدا من وزنه عموما محدش بيسيب نجاحه بمزاجه ويختفي ومش معنى أن أي حد بينزل صور ولا بيبين أنه مبسوط أن دي بتكون الحقيقة كل واحد عندوا حته مستخبيه محدش عارف عنها حاجه أنا كتبت كده علشان محدش يلومني ليه مكنتش بقول وعموما برضوا هيثم هو اللي مكنش حابب حد يعرف حاجة عن كل معاناته دي علشان أصحاب النفوس المريضة ميفهموش أن هو بيعمل أي حوارات علشان يبرر بيها غيابه ولما قرر يعرف جمهوره وأصحابه عرفهم وهو منور وفرحان بنجاح ألبومه اللي في وسط كل ده كان مهتم برضوا مينزلش بأي حاجه وكان عندوا إصرار يعمل ألبوم محترم مبروووك يا هيثوم وحمدلله على سلامتك وأفرح بتعبك في ألبومك وبالناس اللي بتحبك).