أجرت النجمة المصرية شيرين عبد الوهاب، مداخلة هاتفية مع المذيع عمرو أديب، عبر برنامجه (الحكاية)، لتوضح تفاصيل أزمتها مع شركة روتانا.
مداخلة شيرين لم تكن عادية، بل أدلت خلالها بتصريحات نارية ومثيرة للجدل كعادتها.
في بداية المداخلة، تطرقت شيرين لموضوع أزمتها مع شركة روتانا، وذلك بعدما قامت الشركة بحذف 4 أغاني جديدة لها مؤخرًا.
اقرأ: شيرين: حسام حبيب يعامل ابنتي معاملة الزوجة!
انفعلت شيرين على الهواء أثناء حديثها عن الشرط الجزائي والتعويضات قائلة: «شغلي مش هدية لحد ده رزقي ورزق عيالي، مش كفاية واخدين منى 8 مليون جنيه بالغلط، دي فلوس عيالي يافندم».
تابعت: «آخر تليفون حصل بينى آنا وطوني سمعان، لما يئست من الدنيا واللى فيها، وكلمته قولتله قول للأستاذ سالم ياخد كام ويحل عنى وترد عليا خلال 24 ساعة، رجع برد يحرق الدم ومتفقين عليا، قالي استاذ سالم بيقولك عايزين الشرط الجزائي وتعويض، ونزلت الأغاني ومش هتكلم عنها».
واعلنت عن رفضها التام التصالح مع شركة روتانا، وقالت: «تواصلت مع طوني سمعان موزع روتانا، وطلبت منه أن يأخذ منها الأغاني، ولكن رفضوا استلام الأغاني».. «مش عايزين يستلمو الأغاني، عايزين شيرين عبدالوهاب حصري، مهما روتانا عملت هنزل الأغاني على البوتاجاز، والنجاح اللى أنا فيه دلوقتى الفضل فيه يعود للناس».
اقرأ: شيرين تطرح جديدها وروتانا تحذفه!
وتابعت: «الفلوس اللي هما دافعينها لي، أنا باخدهم في حفلة، عشان كده هما عايزين شيرين حصري لحفلات اللايف».
وأوضحت: «الأغاني كانت جاهزة وخلصانة مسلموهاش ليه، قسما بالله أن روتانا امتنعت عن استلام الأغاني، عشان عايزين شيرين حصري في الحفلات وده مكنش اتفاقنا يا أفندم».
استكملت: «فيه مؤامرة عليا عشان أقعد في البيت، وصوتي مش هينقطع أبدا، هفضل أغني وهفضل راكبة القطر بتاعي، ومفيش حد هيقدر يوقفه، أنا سكت كتير».
وناشدت القضاء المصري قائلة: «بناشد القضاء المصري زي ما اتحكم لهم بالغلط أنهم ياخدوا مني 8 مليون جنيه لكن مش مشكلة أنا فلوسي كتيرة، بناشد القضاء المصري أن القضايا اللي رفعاها يتحكم فيها بسرعة».
وطمأنت جمهورها عن حالتها النفسية وقالت: «أنا فلة شمعة منورة، واللي مشيني ومنجحني هو ربنا، ومش محتاجة شركات».
وأردفت: «ربنا يخلي جمهوري ليا اللي بيعمل كل ده ليا، من غير شركات، أنا مش هبقى حصري لحد تاني».
استكملت: «دفعت لنصر محروس من 15 سنة 3 ونص مليون جنيه دفعتهم شرط جزائي ومشيت، والكل يلزم حده ومحدش يجيب سيرتي».
في نهاية مداخلتها مع الإعلامي عمرو أديب قالت: «جمهوري كبير أوي أوي، وهو اللي هيوقف لهم، وكل الناس اللي تكلموا مبصوش في ورقة».
اضافت: «يا ريت تخليني أقفل، عشان مش عايزة أقول حاجة تخليهم يمسكوا عليا حاجة، وأنا سجن النساء وحشني جدا، ونفسي أجرب تجربة سجن النساء دي».