اعلنت الفنانة المصرية شيماء_سيف، عن تفاصيل خسارتها لوزنها الزائد، موضحة إنها خضعت لعملية تكميم المعدة، بعدما عانت كثيرًا بسبب وزنها الزائد.
قالت شيماء سيف: “عملت عملية تكميم معدة، أنا صاحبة مقولة ليه أعمل رجيم وأنا قدامي شوكولاتة ولا مكرونة بشاميل، بس لو نفتكر، أنا بردو اللي كنت بطلع أقول أنا الحمدلله صحتي كويسة، لو حصل لصحتي حاجة، إلا صحتي، وحصل، والسنة اللي فاتت رجلي بدون سابق إنذار وركبتي مش قادرة أتنيها”.
اقرأ: هل اخطأت مي كساب بخضوعها لعملية تكميم المعدة؟
وتابعت: “صحيت من النوم ركبتي مش قادرة اتنيها، مش عارفة اعمل ايه، بطلع سلمة كدة، بصرخ وبحس بوجع فظيع، وكلمت دكتور وقلت له مش عارفة في إيه وكنت بصور، وقال لي لازم تعملي أشعة، وعملت الأشعة وبعتها له، قال لي لازم نعمل تغيير مفصل حالًا، وهنا حسيت أني واحدة تانية، وأنا أكره دخول المستشفيات، وانهرت وجالي اكتئاب، ورحت التصوير وحاولت أخبي”.
وأضافت: “الفنانة يسرا قالت لي أنتي فيكي حاجة، ووقفت التصوير وحكيت لها، وقالت لي نروح لدكتور تاني، وطمني وقال لي مش محتاجة عملية ولكن إنت شيلتي ركبتك لواحدة عندها حاجة و30 سنة حِمل واحدة كإنها مشيت 80 سنة، ومي كساب كانت بتزن عليا، هي عملتها واللي عملها بعد ما بيخس ويحس إنه خفيف، وبيحب حد بيقول له عشان يحس الإحساس دا، وكانت بتطمني، وقد كانت، شكت دبوس”.
وأكملت شيماء سيف: “العملية حاجة بتساعدك، أول شهر انت مابتكلش، وبعدها انت بتتعود إنك مابتاكلش، بس لما بتشوف الأكل بتحس إنك عايزه، بس أنا دلوقتي بجد لما تعبت ولقيت نفسي كدة، بقيت بقرف لما أشوف حد بياكل”.
اختتمت: “أول ما عملت العملية بتنزلي 20 كيلو، وبعدها بقى 6 كيلو وحاجات كدة، واحساس انك تنزلي من 3 أرقام على الميزان لرقمين احساس حلو، نزلت 50 كيلو حتى الآن”.
ومن أبرز الآثار الجانبية وأضرار عملية تكميم المعدة التي تمت ملاحظتها في بعض الحالات:
١-الغثيان والقيء المزمن.
٢-تمدد المريء.
٣-التعرض للعدوى.
٤-النزيف.
٥-تعرض الطحال والأعضاء المجاورة للإصابة أثناء العملية.
٦-الإصابة بالجلطة الدموية.
٧-عدم القدرة على تناول بعض الأنواع من الأطعمة.
٨-عسر الهضم وزيادة اضطرابات المعدة.
٩-حدوث تسريب من المعدة في منطقة الخياطة، ولا تتخطى فرصة حدوث ذلك 2% من المرضى.
١٠-نقص نسبة الفيتامينات والمعادن في الجسم، لذا يحرص الأطباء على أن يحصل مرضى على كميات كافية من الفيتامينات والمعادن منخلال جرعات معينة من المكملات الغذائية لتجنب حدوث ذلك.