اكدت الفنانة المصرية لورا عماد، إنها تفاجأت بشأن انفصالها عن زوجها الفنان المصري شريف_منير، والذي أعلن عن انفصالهما عبر منشور على صفحته عبر السوشيال ميديا.
قالت لورا طليقة شريف منير خلال تصريحات صحفية: ربنا يسهل لكل واحد، مكنتش أعرف، أنا اتبلغت إن فيه طلاق رسمي، وأكيد أنا مش مجنونة عشان أنزل فيديو على انستجرام في يوم طلاقي.
وأضافت طليقة شريف منير: علاقتي ببناتي زي الفل، وهما قاعدين معايا في البيت، وهما اتفاجئوا زيي بالظبط، هو تقريبًا كان قايل لنفسه.
إقرأ: ابنة شريف منير تنفي طلاقها باللهجة المغربية! – صورة
كان الفنان شريف منير أعلن انفصاله عن زوجته وذلك من خلال منشور عبر حسابه وكتب: “تم الطلاق بيني وبين السيدة لورا كل شي قسمة ونصيب واتمني لها كل خير”.
يأتي هذا، بعدما حدث خلاف كبير بين لورا عماد وابنتيها من زوجها شريف منير في شهر أغسطس 2022 الماضي عبر مواقع السوشيال ميديا، وقامت والدتهما بكتابة رسالة لهم عبر صفحتها الشخصية قائلة: «رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدون بأن أنا كنت أم عاملة إزاي».
وقالت لورا عماد لـ ابنتيها: بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي.
وعلقت فريدة شريف منير على رسالة والدتها لورا عماد قائلة: ليه بتعملي كده؟ ليه بتخلي شكلنا كده قدام الناس.
كما علقت كاميلا الابنة الثانية: عمرنا ما بعدنا عنك، وغير كده أنا كنت لسه قاعدة معاكي امبارح، ومكنتش عارفة إنك بتفكري في كده.