علقت الفنانة المصرية مي_عمر، على تكهنات شعورها بالغيرة من نجاح مسلسل (جعفر العمدة)، وعدم مشاركتها فيه قائلة: “محصلش اني غيرت من نجاح جعفر العمدة، رغم انه كسر الدنيا، واحب ان محمد ينجح اكتر مني، وكنت أسعد واحدة بنجاحه، واحنا صحاب جدًا ودي اهم ميزة في الجواز، وهوايتنا واحدة تقريبًا، وبنستمتع بالحياة مع بعض، ومن قبل الارتباط، كنت أي مشكلة الجأ لمحمد سامي أول واحد”.
وقالت مي عمر، خلال استضافتها ببرنامج “أسرار” مع الإعلامية أميرة بدر المذاع على قناة النهار: “اتخطبنا انا وسامي وفسخنا الخطوبة وبعدها رجعنا تاني، لان بابا كان خايف عليا، وبابا بيخاف علينا جدًا لأننا 4 بنات، وهو من الفلاحين، كان قافل علينا جدًا، ولينا مواعيد وحدود في البيت، وكان اخرى في الرحلات والخروج دريم بارك”.
تابعت: “وفي بداية جوازنا كان كل مشاكلنا اني عايزة اخرج كتير، بابا شاف محمد قبل كده وهو بيتخانق، فـ اتوتر شوية، وكان خايف يتغير عليا، وكان قلقان عليا، لكن اكتر حاجة بحبها في محمد سامي حنيته”.
قصة حب مي عمر ومحمد سامي:
روى المخرج محمد سامي، قصة زواج من مي عمر، خلال استضافتهما في برنامج معكم، مع الإعلامية منى الشاذلي، قائلا: «عندنا قصة كبيرة جدًا، كنا مع بعض في الجامعة، وأنا مشيت بعد سنة وكنا صحاب جدًا لمدة 3 سنين، وبعدين حبيتها، وقررت أخطبها، بس مكنتش لسه محبتنيش».
وتابع «سامي» خلال حديثه عن قصته هو وزوجته مي عمر: «كان عندها دايما خوف من الارتباط، وقعدت عملت كل حاجة في الدنيا، زي أقولها إنتي فين، وأروحلها مع إني مببقاش في نفس المكان».
اقرأ: نجلاء بدر: لن أعمل مع محمد سامي بوجود زوجته
وأضاف: «قولتلها إديني رقم باباكي قالتلي لا، لمحته على موبايلها وحفظته، واتصلت بيه قولتله أنا محمد سامي مبشتغلش حاجة خالص وعايز أخطب بنتك».
«بعد يومين اتصلت بيه قولتله كلمتك من يومين أخطب بنتك ومردتش عليا»، بهذه العبارة واصل سامي حديثه، قائلًا: « لقيته جالي مكتبي ولقينا بعض في الهوايات، وروحنا زورنا بيتهم وخطبتها».
وكشف «سامي» كواليس العلاقة: «والدها شافني وأنا بتخانق ولقيته بيتصل بيا قالي عايز أزوركم وأرجعلك الشبكة، واتفسخت الخطوبة، قالي انت كويس جدًا بس مش لبنتي».
واستطرد محمد سامي: «والدتي كانت شيفاني أحسن حد في الدنيا، قالتلي حبيبي بتهزر ولا إيه هما يحلموا، الموضوع منتهي مسمعش سيرتها تاني خالص، روحت رايح في يوم بعد 3 أشهر بحاول أعمل لماما كل حاجة، وروحت لوالدها في شركته في جاردن سيتي، وقولتله بالله عليك جوزهالي، وفسخنا الخطوبة 5 سنين».