استعاد الفنان المصري أحمد_زاهر، ذكريات معاناته مع المرض وقت زيادة وزنه، وتعرضه لأزمة صحية شديدة، كما تحدث عن خسارته ٢٢ كيلو من وزنه خلال تصوير مشاهده في مسلسل “نعمة الأفوكاتو”.
اقرأ: زوجة أحمد زاهر تحتفل به – صورة
قال أحمد زاهر خلال استضافته في برنامج “كلام نواعم” المذاع عبر قناة MBC: “الدور شدني وحسيت إن الشخصية فيها حاجة، واحد مريض نفسيا ومكسور وعنده مشاكل كثيرة، والشخصية شدتني لدرجة إني خسيت 22 كيلو، بعد ما كان عندي عضلات وبلعب جيم لدوري في فيلم فارس”.
وروى أحمد زاهر معاناته مع زيادة الوزن خلال فترة مرضه قائلًا: “أنا لما أصابني المرض قعدت 3 سنين تعبان جدا ويائس وأحلم بالموت، وطبعا في ناس وقفت جنبي أولهم مراتي، وبدأت أعافر وأعمل مجهود علشان أنزل وزني من 185 كيلو”.
اقرأ: منى أحمد زاهر تدخل التمثيل على خطى شقيقتيها
وأضاف: “لما خسيت دخلت في مرحلة إني خاسس جدا ولازم أرد شوية وعملت ده، وبعدها كنت عايز أبني جسم مناسب لدور أكشن في فيلم فارس، وقعدت سنتين في الجيم ألعب حديد، وربنا كان بيساعدني”.
ردًا على سؤال هل توقع النجاح لمسلسل “نعمة الأفوكاتو”، قال أحمد زاهر: “دايما لما أشتغل مع المخرج محمد سامي، وده ثامن عمل أصوره مع محمد سامي، بيكون في كيميا بيني وبينه، وإحنا أصدقاء وبنفهم بعض بالعين، وتوقعت النجاح لكن مش بهذا الشكل”.