قررت النيابة العامة حبس نازلي مصطفى كريم ابنة الفنانة نهى العمروسي، 4 أيام على ذمة التحقيق في قضية اغتصاب فتاة بفندق الفيرومنت.
في أول تعليق لها، قالت نهى العمروسي: (بنتي متجوزة واحد من المتهمين بالاغتصاب، وفيه محاولة للانتقام منها وعايزين يدخولها في القصة، وأنا مش عايزة أقول اسمه دلوقتي ولا هو ابن مين، بس اللي أقدر أقوله إنه هارب في لندن حاليًا خوفا من القبض عليه).
وأضافت في تصريحات صحافية: (بنتي أصلا كانت شاهدة في القضية، ومعرفش إيه حصل معاها وتحولت لمتهمة إزاي).
تابعت: (مش عايزا أتكلم في هذا الموضوع دلوقتي، ولكن لازم الجميع يعرف إن بنتي بريئة وتم الزج بها في تلك القضية من جهة بعض أهالي المغتصبين أصحاب النفوذ).
اختتمت كلامها: (أنا مش عايزة أتكلم عشان لو اتكلمت ولو قولت اللي عندي الدنيا هتتقلب، بس لو بنتي حصلها حاجة من القضايا واللي أهالي المغتصبين ملفقينها لها، لأن عندهم نفوذ وسُلطة كبيرة أوي، وخصوصًا بعد اللي حصل لبنتي ده أنا اتأكدت، لو بنتي حصلها حاجة واستمر الظلم عليها، اقسم بالله ما هسكت والكلام اللي هقوله هيفجر الدنيا، إن شاء الله ربنا هينصرنا).