عبرت الفنانة اللبنانية باميلا الكيك، عن سعادتها بالاحتفال بعيد الميلاد المجيد، تحديداً هذا العام، بعد الثورة اللبنانية التي أعادت للشعب اللبناني كرامته بعدما رفع الصوت أخيراً ضد النظام الطائفي العفن.
باميلا كتبت جملة طويلة مؤثرة قالت فيها: (هيدا اول عيد ميلاد بحسّ فيه هلقد.. يعني مظبوط المصيبة بتجمع ونحنا مش منتبهين! لأول سنة من سنين، مش قاعدين مضوّا خلقتنا السوشيل ميديا كل الوقت.. كانت خلقة ربنا عم بتتحادث، تتضامن بكتير من المواقف وتتشارع وأخيراً سمعنا صوتن بعد سنين سكوووووت).
تابعت: (والله طلع عندك رأي” إي عندي.. وصوتنا واحد والحق ما إلو صوتين، الحق ما الو وجّين، عمرك شفت اصلاً حقّ واحد بألوان؟؟ هيدا اول عيد ما بتكون الزينة من برّا إنما من جوا، هيدا اول عيد ما بتكون المصاري من برا إنما من جوّا، ما كان في إدّعاء، ما كان في صور للشجرة والهدايا الشانيل والهرميس.. كان في صور للمغارة، لقلب يسوع، لمعنى الميلاد الحقيقي، بحيث أكتر المحتاج، أكتر المعتاز كان عم بيعطي، كان عم بيطبخ، عم بنّفع المؤسسات الصغيرة بشغل ايدا اللي من قلبا الكبير!!! اللي قادر يهدي ب ١٠.٠٠٠$ ما قدر يهدي متل اللي ما معو اصلاً ١٠.٠٠٠ $ ليقدر يهدي اهدينا قلوب بعض بهالعيد! ما البسنا وتمكيجنا للانستا إنما لمعنى القعدة والاكل اللي مش متل كل سنة بيروح على غير محل……/. رجعت شوف الالوان رجعت حسيت بقلبي عم بيدق رجعت كهربت حالي مش لعصب إنما لعيش هالعيد من زماااااان ما حسيت بهالعيد انسينا نحنا مين.. زكرونا، اْنسينا انو نحنا حلوين.. سامحونا،قوم اْنفوض الغبرا عنك..قوم يلا اوعا اصحا من النووووم).