علقت الفنانة المصرية داليا_البحيري، على ما قاله الناقد الفني طارق الشناوي عن فيلم (حريم كريم)، وتعليقه السلبي عن الفيلم وبطله الفنان مصطفى_قمر.
قالت داليا في تصريحاتها:
(لازم يكون دارس النقد غير كده يبقي تجريح وشخصنة، ماينفعش اهمش الفنانين وارمي تاريخهم في الزبالة).
تابعت: (لما أكون أنا ممثلة وحضرتك هتنتقد العمل الفني، لازم تفصص العمل تتكلم عن الإضاءة الإخراج على العناصر كلها، ويحكمني ويحكم المهنية في الكتابة، غير كده هيبقي في تجريح تطاول شخصنة، وفي فرق كبير جدًا بين إني أكون ناقد بالعلم وده ناس بتدرس حاجة اسمها نقد، يعني مثلًا في نقد للفن التشكيلي، فكل فن ليه نقد لوحده، فلازم أكون دارس الفن اللي هنتقده وعارف أنا هقول أي).
وكان طارق الشناوي وصف فيلم “أولاد حريم كريم” الذي يعرض في دور العرض حاليًا، بأنه أحد أسوأ الأفلام في تاريخ السينما المصرية، وهو ما دفع قمر لمهاجمة الشناوي بقوة عبر وسائل التواصل الاجتماعي.
كان الناقد المصري طارق الشناوي، عبر عن رأيه في فيلم (أولاد حريم كريم)، الذي يعرض حالياً في السينمات للفنان المصري مصطفى_قمر، واعتبره دون المستوى.
قال الشناوي: (فيلم أولاد حريم كريم من أسوأ الأفلام والأعمال الفنية، والفيلم اتعمل بطريقة فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم).
اقرأ: شام الذهبي كيف خسرت ٣٠ كيلو من وزنها؟
جاء رد مصطفى قمر سريعاً وغاضباً، حيث هاجم طارق بشدة وكتب عبر صفحته:
(هو انا مش طلبت منك تبعد عني اصلا وماتتكلمش عني علشان ماتتهزأش طيب انت اللي جيبته لنفسك عموما ياللي اسمك طارق انت كاتب كلام اهبل يدل للمرة المليون انك ماشفتش الفيلم وعموما اللي حيرد عليك جمهور السينما الحقيقي اللي دخل الفيلم اللي مالوش دعوة بالنفاق او مصلحة اي فيلم تاني (فكرني كدة شغلتك ايه).
ويعرض فيلم “حريم كريم 2” حاليا بدور السينما بعد مرور 18 عاماً على عرض الجزء الأول من الفيلم الذي تم طرحه عام 2005.
ودارت أحداث الجزء الأول حول شخصية “كريم” والذي يتعرض لمشكلة زوجية فيستعين بأصدقاء الجامعة وهم داليا البحيري، بسمة، علا غانم حتى يساعدوه في استعادة زوجته ولكن تتطور الأحداث ويتسبب في تدمير حياتهم كما يتسببوا في تفاقم المشاكل مع زوجته.