اعلنت الفنانة المصرية رنا_سماحة، عودتها من جديد لزوجها الملحن سامر أبو طالب، بعد فترة من الخلافات التي كادت تصل إلى الطلاق، رغم حملها بمولودها الأول.
اقرأ: رنا سماحة حامل بمولودها الأول – فيديو
نشر سامر فيديو رومانسي ظهر فيه برفقة زوجته، ووجه لها رسالة مطولة جاء بها:
(اولا الحمدلله، ثانيا هقول الكلمتين الجايين دول ل ( ام مالك ) مراتى و حبيبتى و ام ابنى اللى اكتشفت فى الفتره اللى فاتت دى انى ماقدرش اعيش من غيرها ولا حتى بكون مبسوط فى اى حاجه حتى ابسط الاشياء هى لازم تكون فيها معايا بحبها اوى بجد يمكن كنت اوقات بعند بس اكتشفت انى فعلا ماينفعش اكون غير ليها و هى ماتنفعش تكون غير ليا اسف لو زعلتك فى اى حاجه و ربنا يباركلى فيكى و يحفظنا من كل شر و يبعد عنا الحسد و الحقد و اللى كارهين يشوفونا مرتاحين و هاديين و الحمدلله دائما و ابدا).
اقرأ: رنا سماحة للجرس: زينة رشحتني لـ (جمع سالم) ودوري في (ياأنا ياجدو) مختلف – صور
تابع: (نيجى بقى ل برنس قلبى ابنى و قرة عينى حبيبى و صاحبى و اخويا اللى لسه ماشوفتوش ( مالك ) مش هقولك غير انى بحبك و لما تيجى بالسلامه هقولك حاجات كتير اوى نفسى اقولهالك و مش هتفارق حضنى ابدا بحبك يا رنا و بحبك يا مالك شكراً للناس اللى كانوا بيكتبولى كلمه حلوه عشان عاوزين يشوفونا تانى مع بعض).
ردت رنا على زوجها قائلة:
(الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجه وحشه
عيشنا فتره صعبه والحمدلله انها عدت
مفيش بنا أسف يابو مالك بس عارف لو عملت كده تاني ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين بحبك يا جوووووزي).
يأتي هذا بعدما انتشرت أنباء انفصال رنا وسامر، بعد حملها بابنهما الاول.
رنا ردت حينها على تلك الأخبار وقالت: “لا أستطيع إثبات أو نفي الإنفصال في الوقت الحالي).
كما كتبت عبر صفحتها:
(عذراً ايها ال trend فلدي ما هو اغلى من كنوز العالم، اتعلمت في بيت اهلي ان العلاقه بين الراجل والست امانه مينفعش تطلع بره البيت، خطيبتك مراتك طليقتك اياً كان، الامانه دي ولاد الاصول بس الي بيعرفوا يصونوها وميفشوش اسرارها، ولاد الاصول بس الي مبيكذبوش ولا بيتدعوا على بعض بالباطل، ولاد الاصول مبيقذفوش المحصنات (( كبيره من الكبائر ))، ولاد الاصول بس الي مبيخونوش الامانه، ولاد الاصول بس مبيفجروش في الخصام، ولاد الاصول مش محتاجين يستعطفوا حد ولا محتاجين يتدعوا المثاليه بيسيبوا اخلاقهم تتكلم عنهم ومبيتكلموش هم عنها).
تابعت:
(ولاد الاصول مبيلقحوش على بعض مبيجيبوش سيرة بعض غير بالخير ولاد الاصول بيعاشروا بالمعروف وبيفارقوا بالاحسان ومبينسوش الفضل بينهم ده الي ربنا امرنا بيه ده الي اهالينا ربونا عليه ده الي الانسانيه بتقوله اي حاجه غير كده تبقى عدم تربيه ..قلة دين .. انعدام اخلاق، انعدام الاخلاق ده مينفعش نزينه ونقول اوووووه ترند).
استكملت:
(في داهيه الترند الي ينسينا اخلاقنا وتربيتنا واصولنا الانسان بيعيش حياته وبيمشي (( رحله )) مش هيفضل منها غير سيرتك واعمالك الطيبه وكلمتك الي بتتصدق بيها سيبوا الخير وانتوا ماشيين عشان الناس تدعيلكم بدل ما يدعوا عليكم اجعل من يراك يدعو لمن رباك بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غيرفي شغلي فقط في الخير والفرحه وبس).
اختتمت كلامها: (عاهدت نفسي واهلي والناس الي بحبهم اني اكون خير قدوه عاهدت ابني الي عيني لسه مشافتوش اني اربيه على الاصول والاحترام والرقي عاهدته اني اربيه يبقى ((راجل)) ف متستنوش مني ما يفعله الاخرون مش عايزه ابقى ترند).
https://www.instagram.com/p/CUJIYnqqrhz/?utm_medium=copy_link