وثقت الفنانة المصرية رنا_سماحة، لحظة انجابها لمولودها الأول (مالك)، ونشرت مقطع فيديو تظهر فيه داخل غرفة العمليات، وتعرض لحظة وصول ابنها.
علقت رنا على الفيديو قائلة:
(احلى يوم في عمري لما نور مالك قلبي وحياتي كلها يارب احفظه وبارك فيه عايزه اشكر دكتور احمد مرزوق والكرو بتاعه الي بجد محسسونيش اني في ولاده على قد ما حسيت اني في رحله عظيمه اخرها جميل، اهتمام ومتابعه لحظه بلحظه من اول الحمل لحد بعد الولاده).
تابعت:
(وايوه في ولاده من غير ألم وعندنا دكاتره شباب صغيرين بس خبرتهم كبيييييره اوي ويشرفوا
عايزه اشكر على الديكوريشن الحلو ده
واشكر تامر على الفيديو القمر ده.
وطبعاً الفريد الي كان قد المفاجأه ودايماً جاهز
عايزه اشكر جوزي حبيبي واهلي واصحابي وكل الي سندوني ودعموني واستنوا حبيب مامي كامله قريباً جدا).
كانت رنا اعلنت عودتها من جديد لزوجها الملحن سامر أبو طالب، بعد فترة من الخلافات التي كادت تصل إلى الطلاق، أثناء فترة حملها بمولودها الأول.
اقرأ: رنا سماحة حامل بمولودها الأول – فيديو
نشر سامر فيديو رومانسي ظهر فيه برفقة زوجته، ووجه لها رسالة مطولة جاء بها:
(اولا الحمدلله، ثانيا هقول الكلمتين الجايين دول ل ( ام مالك ) مراتى و حبيبتى و ام ابنى اللى اكتشفت فى الفتره اللى فاتت دى انى ماقدرش اعيش من غيرها ولا حتى بكون مبسوط فى اى حاجه حتى ابسط الاشياء هى لازم تكون فيها معايا بحبها اوى بجد يمكن كنت اوقات بعند بس اكتشفت انى فعلا ماينفعش اكون غير ليها و هى ماتنفعش تكون غير ليا اسف لو زعلتك فى اى حاجه و ربنا يباركلى فيكى و يحفظنا من كل شر و يبعد عنا الحسد و الحقد و اللى كارهين يشوفونا مرتاحين و هاديين و الحمدلله دائما و ابدا).
اقرأ: رنا سماحة للجرس: زينة رشحتني لـ (جمع سالم) ودوري في (ياأنا ياجدو) مختلف – صور
تابع: (نيجى بقى ل برنس قلبى ابنى و قرة عينى حبيبى و صاحبى و اخويا اللى لسه ماشوفتوش ( مالك ) مش هقولك غير انى بحبك و لما تيجى بالسلامه هقولك حاجات كتير اوى نفسى اقولهالك و مش هتفارق حضنى ابدا بحبك يا رنا و بحبك يا مالك شكراً للناس اللى كانوا بيكتبولى كلمه حلوه عشان عاوزين يشوفونا تانى مع بعض).
ردت رنا على زوجها قائلة:
(الحمدلله يا حبيبي ربنا يخلينا لبعض يا رب ويخليك ليا ولمالك يا رب ويبعد عننا اي حاجه وحشه
عيشنا فتره صعبه والحمدلله انها عدت
مفيش بنا أسف يابو مالك بس عارف لو عملت كده تاني ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب امين بحبك يا جوووووزي).
يأتي هذا بعدما انتشرت أنباء انفصال رنا وسامر، بعد حملها بابنهما الاول.
https://www.instagram.com/p/CXogRoRK_TJ/