هاجمت المذيعة المصرية مروة صبري، أسما شريف منير، بعد تصدرها تريند مواقع التواصل الاجتماعي خلال الأيام الماضية، بسبب حلاقة شعر رأسها بشكل مفاجئ.
وقالت مروة صبري في بداية حلقتها ببرنامجها “قعدة ستات” الذي يذاع على شاشة “القاهرة اليوم”: أسما بعد ماخدت التريند، لقيناها بتقول أنتو ليه بتهاجموني، وياريت محدش يقلدني في اللي عملته، والمتابعين بيسخنوا أبويا عليا، يا أسما أنتي داخلة تاخدي التريند، في ناس هتقولي أنتي مالك ما يمكن هي تعبانة ومضطرة تحلق شعرها عشان الصبغة بوظت شعرها، فمن الكوميديا أنك بعد ما تحلقي تصبغيه أصفر!.
واستكملت مروة صبري حديثها: ده غير أنك طلعتي وأنتي بتحلقي شعرك لايف عشان الناس تعلق على الفيديو، وكمان رايحة مهرجان الدراما على الرغم أنك مش ممثلة أساسا يعني لو مرحتيش محدش هيسألك أنتي مجتيش ليه؟!.
وأضافت: نفسيتك تعبانة متصوريش؟! متجيش تقولي وتهاجمي الإعلام تقولوا بتتكلموا عليا ليه، اللي أعرفه ان حد تعبان وشعره بيقع ميصورش، لكن أنتي عايزة تلفتي الانتباة ناحية الناس، أصل أنا بقالي فترة مش متشافة ومعملتش تريند!.
برنامج “قعدة ستات” تقدمه مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
كانت المذيعة المصرية أسما شريف_منير، صدمت متابعيها بعدما نشرت مقطع فيديو ظهرت فيه تحلق شعرها نهائياً.
علقت أسما على الفيديو قائلة:
(شعري بقاله فترة بيقع جامد، ده غير ان من كتر العمايل اتحرق و بقي مش صحي خالص، قررت انفذ قرار كان بقالي كتير اوي نفسي اخده، ابداً من جديد، احرر نفسي، افتح صفحة جديدة، حقيقي هو قرار صعب جداً بس حسسني بقوة و تفاؤل).
اضافت: (رميت ورايا حاجات كتيرة اوي بمجرد اني شلت شعري، قلبي كان بيدق جداً و بعديها حسيت اني مليانا ادرينالين.. خطوة جريئة و مرعبه بس حسه اني طالعة منها بدرس، عارفة ان في ناس كتير هتهاجمني بس انا فراق معايا احساسي بالراحة اللي انا حسها دلوقتي…عادي هبطول تاني بس الاحساس ده مش هحسه غير مرة.. بكره هتشوفوا النتيجة الاخيرة).
لمشاهدة فيديو اسما وهي تحلق شعرها اضغط هنا
أسما ابنة الفنان المصري شريف_منير، كانت تزوجت من الممثل محمود حجازي، لكنها انفصلت عنه بعد زواج استمر عامين وقصة حب استمر خمس سنوات.
بدأت العلاقة بين الثنائي بصداقة لمدة 4 أعوام، إذ قال محمود حجازي، عن أسما شريف مينر، «هي واحدة من أقرب أصدقائي، أروها قليلا من الحب فهي تستحقه، فهي خبيرة مكياج وملهمة، من نجاح لآخر صديقتي».
إقرأ: أسما شريف منير بلا مساحيق وزوجها يحبها هكذا!
وكانت أعلنت أسما، خطبتها من الفنان محمود حجازي، من خلال نشر صورة مجمعة بينهما، وأرفقت تعليقًا قالت خلاله:«طيب إحنا قرينا الفاتحة، وإن شاء الله لما نتخطب هنقولكوا، عامة يعني بحبك».
ونشر حجازي عبر حسابه صورة تجمعه بأسما، وعلق عليها :« إن شاء الله هنحقق كل اللي بنحلم بيه.. بحبك».
وكانت احتفلت أسما، ابنة الممثل شريف منير، في أكتوبر عام 2017، بخطبتها على الممثل محمود حجازي، في حفل عائلي بسيط، ونشرت، عبر صفحتها، صوراً لهما أثناء ارتداء خاتم الخطبة، وظهرت بإطلالة رسمية مُرتدية جاكيت أبيض مع وضع تاج على شكل فراشة فوق رأسها.
وكان الثنائي احتفلا بزواجهما دون الإعلان عنه، الأمر الذي فاجأ العديد من جماهيرهم، ونشر المصور حسام عبدالقادر، لقطات فوتوجرافية من حفل زفاف حجازي وأسما شريف منير.
وظهرت العروس بفستان أبيض واسع، تميز بكونه منقوشًا ومزينًا بحزام متوسط الحجم من توقيع دار الأزياء العربية غبريال وليلى.