أكدت الفنانة المصرية شيرين_رضا، أن ابنتها الوحيدة (نور) من طليقها الفنان المصري عمرو_دياب، تتعرض للتنمر بشكل مستمر.
قالت رضا:
(بيقولوا لها شكلك عامل كده ليه؟ أنا نفسي بقى يوروني هما شكلهم إيه، أنا أصلًا أكبر متنمرة في الدنيا، لما حد ييجي يتنمر على بنتي هشطفه وأرزعه في الأرض كمان).
تابعت: (باقرر الصمت بعد التنمر على بنتي وبيا)، وتساءلت: (يعني لما بنتي تتعرض للتنمر، المفروض أنا أعمل إيه مع المتنمرين، أكيد هاكلهم).
لكنها أكدت أنها قررت الصمت كونها تعلم أن هذا التنمر سيقف يومًا ما، مضيفة: (لكن عاوزة أسأل الناس المتنمرة سؤال، ياريت تفرجوني على جمالكم وحلاوتكم وجسمكم، ودرستوا إيه، واتعلمتوا إيه، فقبل ما تتنمروا على حد، ياريت تشوفوا نفسكم). منتقدة في الوقت ذاته مواقع التواصل الاجتماعي: (بقت مؤذية جدا).
وتابعت الفنانة شيرين رضا: (ممكن نسكت على الهجوم على السوشيال ميديا، لكن في كل مرة حتة جواكي هاتنكسر، أنا مش بشوف التعليقات ولا برد ولا بقراها أصلا، بس أحيانا غصب عني عنينا بتقع على تعليقات سلبية على التواصل الاجتماعي، بجد عاوزة المتنمرين دول يظهروا جمالهم ده ويورونا).