بعدما اختلق أحد المريضين نفسيًا شائعة إصابة النجمة المصرية القديرة عبلة كامل بمرض السرطان، وزعم إنها ترقد في إحدى المستشفيات وتكافح المرض الخبيث بمراحله الأخيرة، أرسلت رسالةً مع أحد المقرّبين منها تبدي عبرها غضبها من الرخيص الذي فبرك الشائعة، وتطمئن محبيها على حالتها الصحية الجيّدة.
إقرأ: عبلة كامل ليست مُصابة بالسرطان ادعوا لهم بالشفاء العاجل!
فضل بلال، من الأصدقاء المقرّبين للفنانة القديرة نقل عنها هذه الرسالة: (عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا بتابع السوشيال ميديا ولا بنشر عليها أي شيء من أي نوع ولا مهتمة بده، وأتمنى اللي يشوف حساب منسوب ليا يساهم في قفله باللي يقدر عليه).
تابعت عبلة برسالتها: (والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية، وباشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم، أتمنى اللي يشوف الرسالة دي ويشوف بعدها كلام منسوب للأستاذة عبلة كامل يعمل ريبورت للحساب اللي بينشر الكلام ويساهم في قفله، وشكرا جزيلا لحضراتكم).
النجمة الكبيرة بعيدة عن مواقع التواصل، ولا حسابات رسمية لديها أبدًا.
فلتبقِ بصحتك وعافيتك ست عبلة وليشفِ الله هؤلاء المريضين، أصحاب الشائعات البغيضة من عقدهم وأمراضهم النفسية!