دافع الملحن والمنتج المصري مصطفى جاد، عن الفنان المصري أحمد حلمي، بعد تعرضه لهجوم كبير إثر الجملة التي قالها حلمي لمصطفى خلال حضور الأخير مسرحية “بني آدم” في السعودية”.
حيث قال حلمي لمصطفى جاد:
“أنت مصري وقاعد في الصف الأول يبقى أكيد معزوم!”.
اقرأ: مفاجأة نانسي عجرم في ألبومها الجديد!
وبعد الهجوم الكبير الذي تعرض له حلمي، خرج مصطفى جاد بفيديو يدافع فيه عن حلمي وقال:
“من حق أي مصري ومصرية يغيروا على بلدهم، لأن كلنا بنعشق مصر وما ينفعش حد يزايد على مصرية حد”.
وأضاف جاد: “أنا وحلمي نعرف بعض من خمس سنين، وحلمي نجم كبير بحبه وبحب هزاره، والهزار كان يخصني أنا. والله ما أحب أقول الكلام ده، أنا أقدر أشتري مسرح بس الهزار كان في محله”.
أوضح مصطفى جاد سبب قيام أحمد حلمي بالنزول لجمهور المسرحية في ذلك اليوم والمزاح معهم قائلا: “المسرحية يومها تأخرت على الناس شوية وكانوا متضايقين في القاعة، فطلع الراجل بلطافته وذكاؤه وخبرته يهدي الناس شوية وارتجل، ونزل بشخصيته في المسرحية وهي شخصية شريرة جدا، وقال إفيه لذيذ مفيش فيه أي حاجة تهين، لأن الراجل هو اللي عازمني. الراجل عازم منتج عنده القدرة يقفل المسرح بصحابه وعيلته ويحجز كل التذاكر بحب الناس وتقديرهم”.
اختتم: “اللي مزعلني في الموضوع حاجة تخصني، وحاجة مزعلاني أكتر تخص حلمي. الراجل ده ماشوفتش في حياتي ألطف منه، وراجل محترم وبيقدر الناس وبيعاملهم كويس، وبيحب الحياة والهزار وقعدته ماتملش منها، لمجرد إنه هزر هزار مش على مزاجك بقى مش بتاعنا ومش مصري؟ يا جماعة بالراحة على بعض”.