تحدثت المذيعة المصرية مفيدة شيحة، عبر برنامجها (الستات)، عن المرض النفسي الذي تعاني منه الفنانة الكبيرة شيرين_عبد_الوهاب، مؤكدة أنها كانت تعاني مرضا نفسيا خطيرا خلال الفترة الأخيرة.
اضافت مفيدة شيحة، في برنامجها الستات، المذاع عبر قناة النهار: (شيرين تعاني من اكتئاب حاد، وكانت تاخد أدوية علشان تنام، وادمنت هذا الأمر، وكان لابد من تدخل طبي لحل الأزمة).
تابعت: (شيرين أدمنت أدوية اكتئاب خلال مرحلة في حياتها الأمر الذي سبب لها مشاكل واستعدي الأمر الذهاب للطبي النفسي والذي نجح في علاجها)، موجهة حديثها لشيرين، :”انتي مثال للمرأة المصرية القوية”.
وأكملت مفيدة شيحة: (مش لازم يحطوا نفسهم مكانها او حتى يتعاطفوا مع شيرين عبدالوهاب .. انا اللي يهمني ان الجمهور او المعجبين يعرفوا انهم كمعجبين مش هيعرفوا حاجات كتير اوي عنها مهما حصل وهي كنجمة في حياتها ممكن تبقى ست وانسانة عادية بعض الوقت و ممكن متقدرش تتحرر من مسؤوليات وقيود حياة النجوم اوقات كتير . فمهما تخيلتوا نفسكم حاسين بيها و مقدرين مش هيكون بدرجة حقيقية).
وأضافت: (عشان هي شيرين بس لوحدها اللي اختبرت ألمها و وحدتها و تجربتها و رحلتها الصعبة.. مش من حق أي حد انه يحاكمها على طريقتها في ممارسة حياتها.. ولا حتى يمنعها من ممارسة اخطاءها.. هي حرة).
كانت شيرين شنت هجوماً كبيراً على طليقها حسام_حبيب عبر مداخلة هاتفية مع المذيعة لميس_الحديدي واتهمته بسرقة سيارتها.
اقرأ: شيرين تخرج عن صمتها وتوضح حقيقة حملها
وجاءت مجمل تصريحات شيرين مع الحديدي كما يلي:
– كنت محبوسة في أوضة نومي ٢٤ ساعة وعايشة مع زوج مابيشتغلش.
– حسام اداني هدية في ايدي رصاصة.
– كنت أنا اللي بشتريله الاغاني اللي تعجبه.
– زهق مني عشان تخنت وقالي مش عايز واحدة قد أمي.
– وقع بيني وبين كل اصحابي وبعدهم عني وعنده عقدة من الناس كلها لانه مريض نفسي ولازم يتعالج.
– حسام ضربني وسحلني في الارض وهو اللي حلقلي شعري.
– حسام خسرني امي واصحابي والسواق بتاعي وكرهني في بناتي وكان حاسس ان الناس كلها متأمرة عليه.
– هو السبب في اني أحلق شعري بسبب أنه كان عايز يجبرني على النزول بقميص النوم خلال تواجدنا في أحد الفنادق.
– ادعوا الشعب المصري والعربي انهم لو شافوه في الشارع يتبولوا على وشه، انا عايزة كل الناس تتف عليه.
– كذبت في حاجات عشان انا بنت أصول وبستغفر ربنا.
– أسسنا شركة مساهمة كان هو رئيس مجلس إدارتها وكانت محاولة نقرب تاني من بعض بس مرجعناش.
– مخلفتش منه عشان ربنا يحميني منه.
– عملتله محضر بعدم التعرض لي ولبناتي وهو انسان خطر وادعوا الناس انهم يتبولو علية اما يشوفوا.
– أجوز قرد أو فيل من حديقه الحيوان أفضل من أني أعيش معاه.
– دفعت فلوس الشقة اللي اهل حسام حبيب قاعدين فيها وحسام مخدش مني فلوس في ايده فكنت بدي حقه لامه.
– انا متأذتش من حد في حياتي زي ما شفت من حسام حبيب وكان شخص أسود من جواه.
– جبت عربية وكتبته بأسمه راح باعت ناس تسرقها من أودام بيتي، وكان عايز يعملي محضر اني سرقت العربية.
– كنت شبه البدر بقت شبه حسن ابو السعود بعد ما عرفته.
– عندي فيلم وأغاني جديدة وهكسر الدنيا الفترة اللي جاية وفي اغنية بعد 10 أيام.
– لازم أروح أتعالج من أثاره السلبية عليا.
– سارة الطباخ ربنا ياخدها وهي من اسباب المشاكل.
– سرقني وبكرهه وهو شخص أسود.
– انا من القلعه ولو فكر يأذيني هروح اولع في بيته.
– عشت أسوء أيام حياتي مع حسام حبيب ورسالتي لكل الناس انهم يختاروا صح.