اعلنت الفنانة المصرية هالة_صدقي، عن استعدادها للخضوع لعملية تجميل في الذقن لأجل إزالة (اللغد).
وقالت هالة صدقي في تصريحات صحافية، إنها تنوي الخضوع لعملية تجميل في منطقة الذقن حتى تخفي اللغد، لكن الطبيب نصحها أنها تحتاج لإنقاص وزنها في البداية.
تابعت: الطبيب نصحني أخس شوية علشان اللغد يفك ميكنش متماسك.
وعن اضرار عمليات التجميل على الممثلين قالت: (لو العملية باظت بيكون شيء كارثي وينهي حياته الفنية).
وأوضحت أن الأمر مختلف مع المطربين، لإنهم يعتمدون على إحساسهم في الغناء ولا يستخدمون تعبيرات وجههم على عكس الممثلين.
اضافت: (من حق أي شخص الخضوع للتجميل إذا رأى أنه في حاجة لإصلاح بعض المشاكل في وجهه أو جسده فلا مانع لذلك، “لو حد مضايق من شكل أنفه.. ليه لأ يعمل عملية تجميل”.
من جهة أخرى أصدرت محكمة الأسرة في قصر النيل، قراراً قضت فيه بحبس زوج الفنانة هالة صدقي، بعدما رفضت الدعوى التي تقدم بها بشأن إنكار نسب طفليها، وحكمت المحكمة بإثبات نسب الطفلين.
وأوضحت المحكمة أنه سيتم حبس زوج الفنانة هالة صدقي، شهراً لامتناعه عن دفع متجمد نفقة قدرها 320 ألف جنيه لصالحها.
اقرأ: زوج هالة صدقي يفضحها ومحاميه يتنحى وهكذا ردت
وكانت محكمة الأسرة قضت في حكم سابق بحبس زوج الفنانة هالة صدقي شهرا لامتناعه عن دفع متجمّد مبلغ النفقة المحكوم لها ولأولادها به وقيمته 155 ألف جنيه.
زوج هالة صدقي، كان ظهر في فيديو، وأكد على أنه لن يتنازل عن حقوقه، وقال: “أنا مش هتنازل عن أي حاجة، وبستغيث بالنائب العام، أرجوك ساعدني، أنا مش طالب غير حقي، وعايز أعرف دول ولاد مين؟ أنا متأكد طبعًا إنهم ولادي 100% لكن عايز أعرف مين أمهم وإزاي هي تعمل كده”، مضيفًا: “القضية تخصني وأنا اللي هترافع لأنها قضيتي”.
هالة صدقي علقت على تلقيها إنذارًا بالطاعة من زوجها، وقالت: “الراجل بينفرد بقضايا متنوعة مختلفة، يعني عنده الإبداع ده، والحقيقة كل القضايا اللي رفعها، هو مكسبش ولا قضية”.
تابعت “صدقي” خلال مداخلة هاتفية مع برنامج “كلمة أخيرة” المذاع على شاشة ON وتقدمه الإعلامية لميس_الحديدي: “هو نزل النفقة النص بتاعة مدرسة الولاد، لكن هو بيبدع، ومرة يشكرني ومرة يشتمني، ومرة يبعت رسايل يتأسف ويقول أنا هبقى كويس، وتاني يوم تلاقيني بتشتم مش عارفة ليه”.
اقرأ: معجزة حدثت مع أمل حجازي ونضال الأحمدية – فيديو
استكملت: “ممكن عنده علاقات كتيرة وكل واحد بينصحه بنصيحة، لكن أنا الحقيقة ست ملتزمة، أنا في الطاعة بتاعتي تمام أنا ملتزمة جدا على فكرة، بس إحنا اتجوزنا في بيتي في شقتي وخلفت في شقتي، فهو فين الشقة؟ هو طبعا قالب الأحداث، كاتب إن شقة الزوجية على عنوان أبوه، الحقيقة إن هو كل عناوينه على عنوان بيتي، بس أنا معاه وملتزمة بس فين الجثة؟ يعني هو في أمريكا، ولا أنا هروح أقعد لوحدي ولا ايه مش فاهمة؟”.
أردفت: “أساسا عند المسيحيين لا فيه طاعة ولا فيه طلاق، لكن هو عايز يعمل شو إعلامي، وأنا هساعده في ده، يعني هو لسه باعت إن الولاد يطلعوا من المدرسة ويروحوا مدرسة حكومة”.
اختتمت: “قال أنا مش مانع ولادي من السفر وهو لحد النهاردة عاملهم منع سفر ورافض يجددلهم الباسبور الأمريكي، بيستعمل كل الوسائل للضغط عليا، هو زودها قوي والأطفال اللي بيدفعوا التمن”.