منذ سنة فتح النجم المصري قلبه لجمهوره، وقال إنه سيتحدث معهم يوميًا عن قضية معينة حتى تكون صفحته لخدمة جمهوره وكل من يريد ان يشتكي من الظروف أو لكل من يعاني من انر ما، وطلب من جمهوره كتابة كل ما يشعرون به عبر خاصية التعليقات على البوست.
الاف التعليقات جاءت على ما كتبه، وكأن العالم بحاجة ابى من يسمع وجعهم أو خوفهم أو أمنياتهم، لم يتجاهل تامر التعليقات بل قرأها كلّها بتمعن كبير ورأى أن الأغلبية تعاني من اليأس والإحباط.
اقرأ: تامر حسني لجمهوره: أحنا في زمن يلا نفسي
وحتى يساعد هؤلاء الناس، قال ان بداياته كانت متعبة جدًا وكان يستغل في السوبر ماركت ومحطات البنزين حتى يجني ٥ جنيه ليعود بها الى والدته، ولم يحجل من ماضيه الذي جعل منه النجم الشبابي في مصر.
وكتب:
(قرأت معظم التعليقات على قد ما قدرت على اخر بوست ليا اللي فوق دا، وفهمت اكتر حاجتين من تعليقاتهم عاملين احباط لمعظمكم.
١- اليأس من النجاح
٢- احباط المقربين
وبعضكم واصل لفقدان الامل و الشغف و بعضكم فاقد الامل في الحياه نفسها هطلب طلب منكم قبل اي شيء افتكروا معاناتي في بدايتي وظروفي الصعبه من غير اب ومنغير اي فلوس وبنزل اشتغل في الشوارع من عامل بنزينه لسوبر ماركت لفاعل يعني اللي بيبنوا العمارات بطلع طوب واسمنت عشان ارجع بيتي لامي الغلبانه بأي خمسه جنيه بالإضافه لمرتب النادي لما كنت بلعب كوره كان مرتبي ٢٢ جنيه في الشهر منهم بقى تحويشة الميه والكهربا وعمليات)
اقرأ: آدم تامر حسني يخطف الأنظار بأول ظهور له – صورة
وتابع: (اخويا عشان كان عيان لفتره كبيره كنت بعمل المستحيل فعلاً عشان امي واخويا وعشان اوصل لهدفي كان جوايا سعي دائم لطريقين الكوره والغناء وبقول دا عشان ناس كتير عايز انصحها بالخطه البديله عشان لو الحلم مجاش يكون في غيره زي ما انا كان نفسي ابقى لاعب كوره والكوره مش ليا والانديه كلها مشوني رغم تفوقي كنت بسأل نفسي ليه الابواب كلها بتتقفل في وشي اتاريها بتتقفل عشان توجهني لمسار اخر ولما آمنت بكده فهمت قدام ان ربنا كان شايلي الاحسن ليا بس ساعتها مكنتش فاهم واللي بيسأل نفسه دلوقتي يعني انا اكمل في حلمي ولا اشوف حلم تاني هقوله دايماً اطلب من ربنا يساعدك هتلاقي علامات بتجيلك بس الشاطر اللي يفهمها)
اقرأ: تامر حسني هل تعرّض لحادث؟
وأضاف: (علامات هتأكدلك تكمل او لا بس اجتهد و اتعب عشان المجهود دا ليه كرم متحوشلك في مجالك التاني ف اوعى تقول تعبت عالفاضي وبالنسبه للمحبطين هيفضلوا موجودين انت اللي بتسمعلهم وانت اللي بتسمح انك تتأثر بيهم امنع دا فوراً متبقاش السبب في اذية نفسك متتشدش غير لكل جميل و لكل ايجابي هتلاقي كل الحلو بيجيلك العكس عشان هيجيلك برضو عشان كدا بقولك انت السبب دايماً قول يارب واجتهد وافهم ان الراحه المطلقه في الجنه بس واحنا على الارض و ربنا قال انه خلقنا في كبد يعني شقاء عشان يكون عندنا تحدي نكسبه ولازم نكسبه عشان كتير قبلينا كانت ظروفهم اصعب ووصلوا يبقى الموضوع فينا)
اقرأ: تامر حسني: لهذا السبب كنت افكر في الاعتذار عن حفل إسبانيا! – فيديو
وختم تامر كلامه: (متبقاش اكبر عدو لنفسك انت السبب خد قرار صارم فوراً في التغير والنهوض والنجاح والله هتوصل متسمعش غير لقلبك وسلم قلبك للّي خلقه وتوكل على الله)
)
