خرجت الفاشينيستا اللبنانية نور عريضة عن صمتها، بعدما تعرضت لموجة كبيرة من التنمر بسبب فيديو نشرته عبر السوشيال ميديا.
نشرت نور صورة حديثة لها بدون أي تعديلات، ظهرت فيها على طبيعتها تماماً، وعلقت قائلة: (حولة، حنكك ألوق، ليه هيك بتحكي؟ بترمشي كتير، عيونك كأنك نعسانة، عندك عين أكبر من عين، معك شلل نصفي، هيدى عبارة عن الكلام إللي توجهلي اليوم على الفيديو، إللي نشرتوا صباح اليوم، وعبارة عن شو بيوصلي كل يوم).
ثم تابعت قائلة: (خليني ريح كل متنمر بيمر على صفحتي: أنا حنكي أعوج وحولة وكأني نعسانة ومعي شلل نصفي، ومع هيّدا كلوا بحب حالي وراضية عن نفسي أكثر من ما يتخيل عقل من المتنمرين، وانتي كمان، لكل امرأة عم تقرأ حبي حالك، لو مهما كان الثمن).
اختتمت كلامها: (صح إنوا المحبة إللي معظم الناس بتعطيني ياه والحب إللي بتعبرلي عنه طاغي، بس هيدا ما بيلغي كمية الحقد والأذى إللي بشوفها وبقريها يومياً، لطالما كنت إحكي عن أهمية الوقوف بوجه التنمر، وهيدا هو السبب الأساسي يلّي خلاني أكتب هالشي اليوم، لأن بعرف إنو فيه ناس وخاصة فتيات يتابعونني، وبيعانو من التنمر بس ما بيسترجوا يحكوا).
