تحدّثت ريما الرحباني عن حبها وذكرياتها لصيف ٢٠٠١ حين كانت في الاستديو مع شقيقها زياد_الرحباني وابن عمها غسان الرحباني ابن الموسيقار الراحل الياس الرحباني.
اقرأ: ريما الرحباني تنشر جنازة والدها وكيف كان لبنان مقسومًا
وكتبت: (صَيف ال ٢٠٠١ بحِبّو كتير! وايّام تحضير هالحفلة بحبّن أكتر! كان في جَوْ حِلُو حقيقي وفِرِح.. شِغِل وضِحك ونشاط وبَهجِة! حفلة “منيحة” بحبّا كتير كتير كتير ومُجرّد إنّي شوف مقاطع مِنها بيِتْسَلَّل فَرَح عَ قلبي ما بعرِف مَصدَرو ولا بعرِف سَبَبو.. هالفيديو هو برومو الحفلة من التحضيرات بكاميرتي الفستوكة الميني)
اقرأ: ريما الرحباني: بعدني عم دافع عن اليسا ومصرة تعمل نكايات
وتابعت: (اي وجود غسان وميرنا معكرون وسيمونا ضو وجوهرة الياس ولوريت حلو ولارا ناصيف وهيام وبطرس وأرنو وروني وهنادي ونيكول وسمير ونضال وزورو وكل الموسيقيّة وديريك زيبا كنت حاسَّة حالي مع عَيلتي الحقيقيّة! يا الله شو كانت إيّام حلوة وفِرحة بحِب إتشاركها معكُن علَّ وعسَى يِتسَلَّل عَ قلوبْكُن إنتو كمان بَعض م هالفَرَح!)
كما وجهت تحية لابن عمها غسان، وعبرت عن اشتياقها لشقيقها:
(تحية مني لكل يالي ذكرتن فردًا فردًا ولغسان ولد عمي الحبيب ولزياد أخي اللي كتير بحبو واللي بضل مشتاقتلو حتى وانا قاعدة معو، برو اشتقتلك واشتقتلي وبعرف مش رح تقلي.. طيب انا عم قلك اشتقتلك اشتقتلك اشتقتلك)