حلت الفنانة المصرية هدى المفتي، ضيفةً على برنامج (معكم)، الذي تقدمه المذيعة منى_الشاذلي.
اعلنت هدى خلال الحلقة، تفاصيل مرضها لأول مرة وقالت: (رجعت من الجونة بكورونا، وكانت لسه الكورونا في الأول وكنت من أول الناس اللى يجيلها في مصر ومكنتش عارفة إيه اللى يحصل).
تابعت: (طبعا مخدتش أدوية سيولة لما جاتلى الكورونا فجالى جلطة في الوريد اللى بيوصل الدم للأمعاء ومعرفتش، هو بس كنت بحس بأعراض معينة وبحس بحرقان غريب، وكنت فاكرة في حاجة في القلب عندى وعملت رسم قلب بس مطلعش في حاجة).
اقرأ: شيرين تفضح حسام حبيب وتطالب الجماهير بالتبول عليه – فيديو
وأضافت هدى المفتي: (فى رأس السنة سافرت أنا وصديقتى لأسوان وفجأة تعبت تعب مش طبيعى وجع مؤلم، ورجعت القاهرة بطيارة بسرعة، واتبهدلت ولولا صحبتى كان حصلى حاجة وهى كانت بتساعدنى في كل حاجة).
واستكملت المفتي: (دخلت المستشفى في القاهرة والدكاترة مش عارفين أنا عندى إيه وعملت أشعة وكل حاجة ومش عارفين وبطنى بتتنفح ووجع وألم غير طبيعى، وقرروا يفتحوا بطنى ولما فتحوا طلع عندى جلطة في الوريد اللى بيوصل الدم للأمعاء، وبسبب إنه متعالجش عمل غرغرينة في جزء من الأمعاء، فقررا يستأصلوا الجزء ده، وكانت عملية كبيرة وفضلت فترة طويلة في العناية المركزة أكتر من شهر ومنعوا عنى الأكل والماء).
