تضامنت النجمة المصرية رانيا_يوسف، مع مواطنتها الفنانة المصرية شيرين عقب أزمتها الأخيرة، ووجهت لها رسالة دعم بكلمات مؤثرة وصادقة من القلب.
قالت رانيا في تصريحات خاصة للجرس: (ربنا يعينك ويقويكي وينجدك من اللي انتي فيه، ويخليكي لبناتك وترجعي احسن من الأول وانا واثقة إنها هترجع احسن من الاول إن شاء الله).
تابعت: (للأسف بإسم الحب بترتكب جرائم كثيرة اوي باسم المشاعر والحب والاهتمام، لكن في المواقف البني ادمين الحقيقة بتبان يا شيرين، الموقف ده زي ما له صدى مش حلو على حياتك، له صدى كويس اديكي شايفة حب الناس ليكي قد اية اللي ربنا بيحبه بيحبب فيه خلقه، اكيد ربنا بيحبك وبيحب الخير اللي بتعمليه، واكيد الخير ده هيقعد لك في صحتك وفي بناتك وفي شغلك، تأكدي ان ربنا مش هيضيع مجهودك ولا شقاكي طول عمرك ولا فلوسك ولا مشاعرك على الأرض، خلي عندك ثقة ان ربنا دائماً واقف جنبك وبيحبك صدقيني).
يأتي هذا بعدما، أجرى السيد محمد عبد الوهاب، مداخلة هاتفية مع المذيع المصري عمرو_أديب، عبر برنامجه (الحكاية)، وأعلن تفاصيل ما يحدث مع شقيقته النجمة شيرين_عبد_الوهاب هذه الفترة.
أكد عبد الوهاب، أن شيرين تعاني من الإدمان، وعادت لحسام حبيب بعدما تصالحت معه وتنازلت له عن جميع البلاغات التي قدمتها ضده، في الوقت الذي لم يتنازل حسام عن أي بلاغ قدمه ضدها، موضحاً: (ضحكوا عليها يا فندم وخلوها تتنازل عن كل البلاغات وحسام ماتنازلش عن حاجة).
اقرأ: شقيق شيرين البطل يحاول علاجها من سرطان حسام حبيب! – خاص
اضاف محمد: (روحت اخدت شيرين من شقة هي مأجراها في التجمع وكان معاها حسام بيسهروا يشربوا سوا، واخدت معايا لجنة من المستشفى عشان يقدروا ينزلوها من البيت).
وعن شائعات اعتدائه عليها بالضرب قال: (لم اضرب شيرين ولا حسام، واللي نزلها من البيت لجنة المستشفى مش انا).
تابع: (حسام والمنتجة سارة الطباخ عصابة ومش عايزين شيرين تتعالج ومش عايزنها تبقى انسانة كويسة، وانا بستنجد بيكم انقذوا شيرين).
استكمل: (لم اشهر بشقيقتي بل اعلنت خبر اصابتها بالرباط الصليبي كي اخفي خبر علاجها من الإدمان، لكن حسام وسارة هما اللي جابوا الصحافة وراحوا عند المستشفى وعايزين يخرجوها).
وانضمت السيدة كريمة والدة شيرين للمداخلة وتحدثت على الهواء باكية تستغيث بالرئيس عبد_الفتاح_السيسي فقالت: (انقذوا بنتي من الواد ده حسام هيدمرها، بنتي من بعد الحفلة الأخيرة رجعنا لقيناه عندها في البيت وطردتني وكانت عايزة تطرد بناتها واتخانقت مع بنتها، وانا روحت لابني محمد استرجيته عشان ينقذ أخته).
تابعت: (حاولت امنعها عن حسام قالت لي انا شيرين_عبد_الوهاب وانتوا عايزين مني اية وطردتني، وهي مش دريانة طبعا هي بتقول اية لانهم بيسهروا يشربوا للصبح).
دينا حسين – القاهرة
https://www.instagram.com/p/CkGvt7pDT5p/