تزوج مطرب المهرجانات حسن شاكوش واقام حفلًا كبيرًا ودعا الكثير من الفنانين والمشاهير.
خلال الرفاف فاجأت العروس الكل حين سجدت امام حسن شاكوش لتعبّر له عن فرحتها الكبيرة بزواجهما وبأن حبهما تكلل بإرتباط رسمي أمام الملايين
ويبدو أن العروس تتابع المذيعة ياسمين عز التي تشجع البنات على الطاعة الزوجية وعلى “السي سيّد” وعلى طأطأة رؤوسهن للرجل.
اقرأ: قرار هاني شاكر حول الأغنية الاباحية لحسن شاكوش
مقدمة برنامج (هي وبس) التي تقدمه رضوى_الشربيني علّقت على سجود العروس ليلة زفافهما، وقالت: (هقول إيه، ست فرحانة بتعبر عن فرحتها. يمكن هي شايفة حسن شاكوش الراجل اللي تعمله الحركة دي في الفرح قدام الناس. صحيح هي حركة أوفر جدًا. وآخر حاجة كنا بنشوفها إن لعيبة الكورة يسجدوا لما يجيبوا جون)
وتابعت: (آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه. ولكن واحدة ست تسجد في فرح شكر لربنا قدام الناس والصحفيين. مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه)
اقرأ: براءة حسن شاكوش من تهمة سب وقذف ريهام سعيد
وأضافت: (تعليقي أنا على الواقعة بعيد عن ريم طارق أنه إزاي أنا واحدة ست هانم انزل على ركبي. ومنها على الارض قدام الناس بفستان الفرح ميصحش. وأنا كأنثى بأقول لا، ومشكلتنا والخوف لو تحول الأمر إلى ترند. وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها. ياريت يا بنات متعملوش كده أبدًا)
واختتمت رضوى الشربيني نصيحتها للبنات قائلة: (لما أجي أحمد ربنا، ربنا موجود. فإحنا نقدر نحمده طول الوقت، مش لازم أعمل سحبة مايكل دي. وأفرد دراعي وأحمده قدام الناس بالشكل ده)
