كشفت الفنانة المصرية بوسي، عن رأيها في الجدل المستمر بين الجمهور على لقب صوت مصر، لافتة إلى أنها ترفض الألقاب.
قالت بوسي في تصريحات تلفزيونية: “أنا مبحبش موضوع الألقاب ده أوي، كل واحدة ليها ستايلها وليها شغلها وليها صوتها اللي اتميزت بيه، كل واحد بيحب مطربة شايف أنها صوت مصر علشان كده حاصل خناقات دلوقتي، لكن السوق هو اللي يحكم مين رقم واحد أو اتنين أو تلاته مينفعش اقول ع نفسي صوت مصر، مينفعش أقول عليكي صوت مصر”.
وكانت بوسي وجهت رسالة خاصة إلى شيرين عبد الوهاب بعد أزمتها الأخيرة قائلة: “شيرين بعشقها وبعشق صوتها اصلا، بحبها أوي ومستخسراها وبقول حرام وأنا مش بحب اتدخل في الحياة الشخصية لحد لكن أنا هنا مش بكلمها كزميلة، أنا بتكلم كفان ليها، محتاجينك ترجعي شيرين بتاعت زمان ، شيرين اللي كانت مركزة ف شغلها، شيرين اللي كانت بتحب مهنتها، اللي كانت بتحب الغناء وبتعمل حاجات حلوة تكسر الدنيا محتاجينها ترجع تاني، وربنا يارب يعملها كل الخير”.
يأتي هذا بعدما انقسمت آراء الجمهور حول المطربة التي تستحق لقب صوت مصر، بين أنغام وشيرين.
اقرأ: محمد عبده من اختار بين أنغام وشيرين؟
كانت النجمة المصرية شيرين_عبد_الوهاب، أطلت في لقاء مع برنامج (ET_بالعربي)، وردت على الجدل المثار حول آخر تصريح لها: (أنا الوحيدة اللي استحق لقب صوت مصر)، وقالت إنها لم تقصد الاساءة لأي فنانة أخرى.
قالت شيرين في تصريحاتها لET بالعربي: “كلنا أصوات مصر، كلنا أصوات العرب، كل واحد فينا شايل اسم بلده على كتفه لما يكون في أي مكان”.
اقرأ: شقيق شيرين البطل يحاول علاجها من سرطان حسام حبيب! – خاص
تابعت: “مصر أكبر من أن يكون لها صوت واحد”.
وفي تعليقها على الجدل المثار حول وجود منافسة على اللقب بينها وبين الفنانة أنغام، خصوصاً بعد غضب جمهور أنغام بشدة من تصريحاتها قالت: “ما قصدتش ده خالص”.