هاجم الشاعر المصري تامر حسين ، الفنان محمد رمضان، بعدما أطل الأخير عبر التلفزيون المصري مع المذيع وائل الإبراشي أمس، وألمح أن الفنان عمرو دياب هو من يتربص به ويحاول شن حرب خفية ضده.
اقرأ: محمد رمضان يتهم عمرو دياب بالتربص به!
كتب تامر عبر السوشيال ميديا: (الحقيقة مش عارف احنا بقينا نستحل نتهم الناس بالباطل ازاى؟ وهل يُعقل راجل مُتربع على قمة الغناء ٣٠ سنة ومطرب وبيغنى ويسلطن ومواكب ومتطور وشايل صناعة بحالها على كتافه ومشرف مصر بقاله سنين بسيرته وأعماله ونجاحاته وقدوة بجد للشباب ومختلف الأجيال والأعمار ومطرب كبير).
تابع: (مش بيقول (راب) ولا دخيل على الشُغلانة حايفكر يمنع ممثل أو مؤدى من الغُنا أو حايحاربك مثلاً … ياجماعة اتقوا الله واعقلوا اللى بيتقال الناس مش حاتتعاطف مع الهزى ده الناس بتشمئز من الكلام اللى مفيهوش ريحة المنطق … وربنا يهدى).
أضاف: (ياريت يا أستاذ يللى بتتهم الناس بالباطل نحافظ على رموزنا الحقيقين والمؤثرين بالإيجاب ونجومنا الكبار اللى فاضلين لنا عشان لما تبقى حضرتك ناجح ٣٠سنة على التوالى نتشرف بيك وب انجازاتك وبسيرتك ونقف ضد اللى يمسك بكلمه الكبير له مقامه واحترامه وتقديره … وياريت ننجح بشرف).