قدمت الفنانة المصرية عبير_صبري رسالة تعزية للفنان رامي_صبري بعد وفاة شقيقه (كريم)، واعربت عن انزعاجها الشديد من تناول الصحافة لتفاصيل وفاة كريم غرقاً بعد هروبه من مصحة لعلاج الإدمان النفسي.
كتبت عبير عب صفحتها:
(ربنا يرحم الشاب كريم صبري ويعفو عنه ويغفرله ويدخله فسيح جناته، شقيق الفنان رامي صبري الحقيقه انا بناشد كل المؤثرين علي السوشيال ميديا انهم يطالبوا المجلس الاعلي للصحافه ومؤسسات الدوله المصريه مجلس النواب انها توضع قوانين لتنظيم النشر ووضع حدود للاخبار الشخصيه اللي بتخص المشاهير في اي مجال فني او غيره مش معقول ولا مقبول ان شاب يتوفي في حادث غرق وننشر شيء خاص بمرضه ومنحترمش سيرته و مشاعر عيلته امه وابوه واخواته ونتاجر باخبار الشاب المسكين والادمان بالمناسبه مرض اكرر مرض زي السكر والضغط والامراض المزمنه يعني مش قله ادب ولا قله تربيه زي مااغلب الناس فاهمه وعاوز علاج وله مستشفيات خاصه بفلوس كتير اوي مش معقول المواقع كلها تتسابق في نشر تفاصيل خاصه بمرضه وتجرح اهله وكان مش كفايه مصيبتهم وحسرتهم علي ابنهم الشاب اللي ضاع منهم فجأه وطبعا اذيه الفنان رامي صبري والاساءه لسمعته لانه مشهور والناس تموت في الفضايح والاشاعات والتحليلات).
تابعت: (سواء صح او غلط انا مش عارفه هتستفيدوا ايه مفيش رحمه بالاهل مفيش اخلاق الستر مفيش اخلاق انك متتدخلش في شيء لايعنيك ولا يعني جمهور السوشيال ميديا مفيش قاعده دينيه بتنادي بعدم تتبع عورات الناس ؟ ليه القسوه والرغبه في دبح الناس معنويا خصوصا لو كان مشهور مش كفايه اللي هما فيه انتوا يعني مش عارفين ان كل البيوت فيها مشاكل وامراض وبلاوي مقفول عليها بابها ..ايه السبب انكوا تنشروا بهدف احراج الناس وهتك اسرار البيوت ؟عشان فيها شخص مشهور زي الفنان رامي صبري فنبهدله ونطلع اسرار اخ له توفي وهو يعاني مرض من الله زيه زي ملايين الشباب ..عشان الترند والمشاهده اقولكم ايه بس انا قلبي وجعني علي الشاب المسكين ده ومعرفوش لكن بتمني له الرحمه والمغفره بعد موته الصعبه ولاهله الصبر امه وابوه واخوه ربنا يصبرهم وبناشد تاني كل المؤثرين علي السوشيال ميديا ينضموا ليه ويطالبوا المجلس الاعلي للصحافه بتنظيم النشر وعدم هتك اسرار الناس واغتيالها معنويا بدون داعي طالما شيء شخصي لايفيد مجرد كومنتات شتايم وتحليلات عن غير علم ولايكات وترندات هتسألوا عليها يوم القيامه في مظالم حقوق العباد ..ربنا يرحمك ياكريم ويصبر اهلك).
كان كريم صبري، لقى مصرعه إثر غرقه في مياه ترعة المريوطية، وتبين من تحريات وتحقيقات المباحث التي جرت تحت إشراف اللواء محمد عبدالتواب مدير الإدارة العامة للمباحث، أن المتوفي هرب من مصحة لعلاج الإدمان قبل يوم واحد من غرقه.
وانتقلت قوة من الشرطة إلى المكان، واستدعت أسرة الضحية الشاب لسؤالها حول تواجده في المكان وغرقه.
وقال مصدر أمني: «سنراجع الكاميرات الموجودة في المنطقة لمعرفة سبب الغرق، وكيف حدث، وهل هناك شبهة جنائية من عدمه».
اقرأ: توقعات مجد غانم العامة للعام 2021 – فيديو
وشرح المصدر أنه سيتم إخطار النيابة العامة لمباشرة التحقيق، وقد تقرر تشريح الجثة لبيان سبب الوفاة.
أسرة الجرس تنعي الراحل وتقدم واجب العزاء لرامي صبري آملين أن يلهمه الله الصبر والسلون على رحيل شقيقه.