نقد الممثل اللبناني وسام حنا النقابات الفنية التي لم تصدر أي بيان تضامني بعد مع ثورة الشعب اللبناني ضد طبقته السياسية الحاكمة، ولم تسعَ لتنظيم حضور الفنانين في المظاهرات، ودعا زملاءه إلى الاستقالة وتأسيس تحرك فني جديد يحمي حقوقهم ويمثلهم.
كتب: (من المعيب عدم صدور ايّ موقف من النقابات الفنية لما يحصل في البلد وهم اصحاب البيانات الصغيرة و الكبيرة والواضح انو هني داعمين هيدي السلطة الساقطة شعبياً. واذا ملاحظين انو عم نضطر كفنانين انو نجمع بعضنا بطريقة عشوائية وعفوية لعدم وجود نقابة عالارض عم بتنظم الموضوع).
تابع: (أدعو جميع الزملاء المحترمين المنتسبين الى الاستقالة فوراً ومقاطعة النقابات لانها لا تمثل ثورة لبنان الجديد والدعوة لتأسيس تحرك جديد يحمي حقوق الفنان ويمثله. هيدا البلد عم يخلق من جديد وعم نتخلى عن كل رموز الفساد واللامبالاة بقضايانا الموجعة. بعتقد نحنا كفنانين اكتر حدا متضرر من هيدا الموضوع وهيدا عم بكون حديثنا من فترة بكل قعداتنا الخاصة، و هلق اجا الوقت انو نوعى ونحمي كبارنا الله يطول بعمرن و نحمي حالنا، وعلى سبيل المثال اليوم تفاجأنا باتهام من قبل السيدة مي خريش نائب رئيس التيار الوطني الحر انو نحنا عم نقبض مصاري لننزل على الشارع وطبعًا ما في نقابة ترد فعم نضطر انو ندافع و نرد بطريقة فردية. هيدا الشي غير مقبول بعد اليوم).
