وجهت المذيعة المصرية وفاء_الكيلاني، رسالة دعم للنجمة المصرية شيرين_عبد_الوهاب، في ظل الأزمة التي تمر بها حالياً، ودخولها مستشفى الأمراض النفسية.
كتبت وفاء في رسالتها:
(كتار سنوا السكاكين والحكم صدر .. والضحية شيرين_! مين من مصلحتوا يهد شيرين
كتار للأسف بعاد يمكن وجايز حتى قريبين !! شيرين صوت واحساس مصري عظيم ، قيمة فنية عالية لبلدنا ولجمهورها الكبير في العالم العربي كله .
مسؤوليتنا نحافظ عليها ونرعاها بحب).
تابعت: (بلاش ارجوكم تصدروا احكام الحقيقة معاها هي بس ..احضنوها بحبكم ..وراعوا بناتها بكلامكم .. وادعولها ربنا يرجعها لينا بألف سلامة).
يأتي هذا بعدما، أجرى السيد محمد عبد الوهاب، مداخلة هاتفية مع المذيع المصري عمرو_أديب، عبر برنامجه (الحكاية)، وأعلن تفاصيل ما يحدث مع شقيقته النجمة شيرين_عبد_الوهاب هذه الفترة.
أكد عبد الوهاب، أن شيرين تعاني من الإدمان، وعادت لحسام حبيب بعدما تصالحت معه وتنازلت له عن جميع البلاغات التي قدمتها ضده، في الوقت الذي لم يتنازل حسام عن أي بلاغ قدمه ضدها، موضحاً: (ضحكوا عليها يا فندم وخلوها تتنازل عن كل البلاغات وحسام ماتنازلش عن حاجة).
اضاف محمد: (روحت اخدت شيرين من شقة هي مأجراها في التجمع وكان معاها حسام بيسهروا يشربوا سوا، واخدت معايا لجنة من المستشفى عشان يقدروا ينزلوها من البيت).
وعن شائعات اعتدائه عليها بالضرب قال: (لم اضرب شيرين ولا حسام، واللي نزلها من البيت لجنة المستشفى مش انا).
تابع: (حسام والمنتجة سارة الطباخ عصابة ومش عايزين شيرين تتعالج ومش عايزنها تبقى انسانة كويسة، وانا بستنجد بيكم انقذوا شيرين).
استكمل: (لم اشهر بشقيقتي بل اعلنت خبر اصابتها بالرباط الصليبي كي اخفي خبر علاجها من الإدمان، لكن حسام وسارة هما اللي جابوا الصحافة وراحوا عند المستشفى وعايزين يخرجوها).
وانضمت السيدة كريمة والدة شيرين للمداخلة وتحدثت على الهواء باكية تستغيث بالرئيس عبد_الفتاح_السيسي فقالت: (انقذوا بنتي من الواد ده حسام هيدمرها، بنتي من بعد الحفلة الأخيرة رجعنا لقيناه عندها في البيت وطردتني وكانت عايزة تطرد بناتها واتخانقت مع بنتها، وانا روحت لابني محمد استرجيته عشان ينقذ أخته).
تابعت: (حاولت امنعها عن حسام قالت لي انا شيرين_عبد_الوهاب وانتوا عايزين مني اية وطردتني، وهي مش دريانة طبعا هي بتقول اية لانهم بيسهروا يشربوا للصبح).