حلت الفنانة المصرية ياسمين_صبري، ضيفةً على المذيعة لميس_الحديدي، في تغطية خاصة بمهرجان الجونة عرضت عبر شاشة (ON E).
في البداية تحدثت ياسمين عن عن سر إختيارها للون الأزرق في فستانها المتميز التي اطلت به في حفل الافتتاح قائلة: (الفستان من ماركة إسمها جي بي وأنا إخترت اللون ده لاني بقيت بحب ألوان الاحجار والي يعرف في علوم الطاقة هيعرف أن اللون الازرق أعلى درجة فيه).
أضافت: (الاحجار كلها الوانها حلوة وانا مهتمة بعلوم الطاقة).
حول سبب تواجدها في المهرجان قالت: (انا ببقى حريصة على التواجد في المهرجان كل سنة لانه جزء كبير من عالم الممثل وببقى سعيدة فيه وبحضره من أول سنة وهو بيتعمل على غرار المهرجانات العالمية والمهرجان الوحيد الي بحضرة).
وحول أعمالها الفترة الحالية التي تعكف عليها قالت صبري: (بقرأ ورق لمسلسل بس لسه مش لاقيه حاجة عجباني، أنا بحاول أتعلم من أخطائي وأعمل حاجة مختلفة عشان كده بنتظر المناسب).
استطردت قائلة: (كل حد بيبقى ليه أخطاء وانا لسه في البداية وطول ما أنا في السكة بتعلم من الاخطاء كل حاجة بعملها بقيمها وبشوف عيوبها، والمفروض كل إنسان ياخد تقديره في عينه بنفسه مش من تقييم الناس ممكن الانسان يتاثر بتقييم اخرين ولازم نشتغل على نفسنا ومانريحش يشتغل على نفسه من كل النواحي).
اعلنت صبري لأول مرة أنها شرعت في دراسة تطوير الذات منذ خمس سنوات وتأثرت جداً بالموضوع مما دفعها لدراسة علم السيكولوجي، وتابعت قائلة: (إنتقلت للدراسة الرسمية للمجال الذي أهتم بيه عشان ماقراش كتاب واحد أو أكون أسيرة لوجهة نظر الكاتب فدخلت الجامعة وبدرس أونلاين خاصة في وقت كورونا في جامعة هارفارد عشان أستثمر في وقتي ومضيعوش وده طبعي وإستفدت جداً).
تابعت قائلة: (قبل الدراسة إتجوزت لان الحياة الشخصية بتحقق التوازن للشخص حتى لو كان ناجح في حياته العملية وده جزء مهم)، وقالت أن زواجها حقق لها التوازن في جزء كبير من الحياة مشيرة إلى أن زوجها رجل الاعمال أبو هشيمة كان سبباً في هذا التوازن قائلة: (حققلي ده جداً لانه لايق عليا جداً لانه شخص طموح وفيه حاجات كتيرة شبهي وفيه حاجات كتيرة عنده مش عندي على سبيل المثال أنا شخصية منغلقة اوي هو شخص بيعرف الدنيا كلها وده كمان توازن).
وتفسيراً لما ذكرته عن شخصيتها وأنها منغلقة قالت: (منغلقة يعني ماعنديش اصحاب كتير ولا شلل معينة بخرج معاها حتى الاماكن مافيش مكان معين بروحه دائرتي صغيرة جداً ومقفولة وكانت في الاسكندرية يعني بعيده عن الاضواء وبالتالي أحمد حققلي التوازن في الحتة دي وانا كمان عملتله توازن).
وحول إنزعاجها من تأثير السوشيال ميديا عليها والأضواء خصوصاً وهي تستخدم سيارتها رولز روس قالت: (أبداً لا يزعجني لان الانسان الذي يقبل ان يكون تحت الاضواء لابد ان يكون قدها لو مش قدها يبعد عنها وانا متشهرتش فجاة وبالتالي إتشهرت تدريجي وتأهلت تدريجي لذلك وبقيت فاهمة أن الشخص المشهور لازم الناس تتكلم عنه ومش هقدر أمنعه وأنا عندي سلام نفسي مش مضايقة واحمد كمان ومش عيب إن الانسان يستمتع بالرزق الي ربنا إدهوله).
