اعلنت الفنانة المصرية آمال_ماهر، عن تحضيرها لعدة حفلات قادمة في المملكة العربية السعودية، مؤكدة إنها على موعد مع نجاحات منتظرة مع معالي المستشار تركي_آل_الشيخ، رئيس هيئة الترفيه في المملكة.
اقرأ: آمال ماهر تطل أخيراً في فيديو وتوجه رسالة للجمهور: أنا بخير – فيديو
قالت آمال في تصريحات لبرنامج (الحكاية)، الذي يقدمه المذيع عمرو_أديب: (سعيدة بالتطور الحاصل في المملكة العربية السعودية، لأن التطور ده تطور للوطن العربي بالكامل، وحاجة تخلي الواحد فخور ومتشرف بيها، إن دولة عربية يكون عليها فعاليات عالمية، ومفاجآت غير متوقعة، والتنظيم والشكل والحاجات المفاجأة اللي بتظهر على المسرح كلها حاجات تشرف).
اقرأ: المنحوسة آمال ماهر!
وعن علاقتها بالمستشار تركي آل شيخ، قالت: (كان عندنا علاقة فنية ونجاحات كتير، وإن شاء الله يبقى عندنا نجاحات تانية قريب، ويشرفني أكون في المملكة العربية السعودية وجزء من النجاحات الكبيرة اللي بتحصل في الرياض بشكل عام).
كانت الفنانة آمال ماهر اوضحت سبب غيابها عن جمهورها العام الماضي وقالت: “معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا”.
وشوقت المطربة آمال ماهر جمهورها إلى أعمال جديدة وقالت في فيديو :” انتظروني قريبا”.
وردًا على المشككين في ظهورها الأخير قالت “أنا والله، وبعتذر للجمهور كنت في حالة سيئة جدا، تعبانة جدا، الكوفيد تعبني بشكل فظيع، زي ما أنتم عارفين يختلف من شخص للتاني، عندي: ضيق نفس، صداع، وعضمي واجعني مفيش حاجة مكانتش مش موجودة، الحمد لله كنت فين وبقيت فين”.
وأشارت آمال إلى أنها أصيبت أكثر من مرة بكورونا، موضحة “انا وكورونا صحاب مش أول مرة، أول مرة مكانش حد عارف دي ايه ولسه من ست شهور وبعدين دلوقتي، جربت كل المتحورات، بقينا صحبة انا وهي”.
اضافت: (والله يجماعة دي أنا وكنت في حالة سيئة جدا بسبب الكورونا، وصوري مش قديمة كانت قبل مااتعب بيومين).