أكدت الفنانة إلهام_شاهين، أنها لا تفكر في الاعتزال نهائيًا، ولكن غيابها عن الشاشة يأتي لحرصها على تقديم أعمال وأدوار جديدة لم تقدم من قبل.
وأضافت إلهام خلال حلولها ضيفة على المذيعة فاطمة مصطفى عبر إذاعة 9090، أن الأدوار التى قدمتها على مدار مشوارها الفني لاتوجد فنانة قدمتها من قبل قائلة: “أنا أدواري محدش عملها غيري”.
اقرأ: إلهام شاهين: لو متكلمناش في المحرمات هنتكلم في إيه؟
وأضافت شاهين إنها ندمت على فيلم «موت سميرة» بسبب رسالته، قائلة: «بكرها أوي، وبزعل من نفسي جدا.. بس كنت صغيرة، لكن هو بيسيء للملحن الكبير بليغ حمدي، اللي أنا بعشقه وبستمتع بفنه وكنت بتمنى أقابله».
تابعت أن الإساءة لفنان كبير بحجم بليغ حمدي تعد إساءة لمصر، موضحة: «الفيلم ده عيب إن مصر عملته وإن إحنا قدمناه، ودي إساءة للبلد نفسها، لأنه رفع مستوى الفن وعمل كتير للبلد».
اقرأ: إلهام شاهين كيف فقدت وزنها الزائد؟
وعن موقفها من الاعتزال، قالت: «عايزة دايما أبقى جديدة ومفاجأة ومايهمنيش أقعد سنين في البيت، مش اعتزال، لأن عمري ما فكرت أعتزل، لكن أوقف لحد ما يجي لي حاجة.. مش هنزل غير لو لقيت الهدف اللي عايزاه».
تابعت: «هتلاقوا أدواري الأخيرة محدش قدمها غيري، يعني مريضة ألزهايمر في مسلسل (ألفريدو)، محدش من النجمات قدمه غيري».