أطل الممثل المصري فكري صادق ضيفًا على أحد البرامج التلفزيونية وخلال اللقاء وحين سُئل عن الممثل المصري الراحل سعيد صالح قال: (فيلم سلام يا صاحبي سبب وجوده الفنان عادل إمام، لأنه فنان لن يتكرر، لكن سعيد صالح ممثل موهبته عادية وفيه كتير زيه) أي أنه أهان مسيرة وتاريخ سعيد الحافل بالنجاحات وبالإنتصارات الكبيرتين.
تصريح فكري صادق استفز ابنة الراحل التي كتبت التالي مدافعة عن والدها، لكنها ردّت بطريقة محترمة للغاية، وقالت:
(يا سيعا يا حبيبى يا روحى يا قلبى، لا هو يوم ميلادك ولا ذكرى وفاتك ولا عيد من العيدين المرتبطين مع الناس بالعيال كبرت ومدرسة المشاغبين)
اقرأ: سعيد صالح: مثلت عشان البوس وكنت محروم.. قارنوه بمنافقين
وتابعت: (جملة على لسان ضيف فى برنامج اتقالت فى سياق الكلام اللى اساسا مكونتش طرف فيه لا من قريب ولا من بعيد ولا حتى كنت فى عنوان الڤيديو اتقلبت مظاهرة حب ل سعيد صالح و مش النهاردة بس، كل فترة ليك نفحة)
وأضافت؛ (فجأة ومن غير مناسبة يا رب تكون من الناس اللى ينطبق عليهم من حبه ربه حبب فيه خلقه، ربنا يسعدك و يراضيك، وبالنسبالى انا اللهم لك ألف حمد وشكر، ربنا يرزقنى ربع الحب ده يا بختى بيك)
من جهته ردّ ابن فكري صادق على تصريحات النة سعيد صالح، وقال إن والده لم يقصد الاساءة لوالدها خصوصًا أنهما كانت صديقين مقربين جدًا، وأرجع سبب تصريح والده الى أنه كبر بالعمر.
اقرأ: أرملة سعيد صالح تُدلي بتصريحات خطيرة
وكتب: (أختي الغالية والفنانة بنت الأصول هند سعيد صالح طبعا انتى تعلمى جيدآ عشقى واحترامى وتقديرى للنجم الكبير سعيد صالح و تاريخه منذ صغرى حنى تخرجنا انا وانتى من سنين زملاء واخوات من المعهد العالى للسينما.. احنا اكبر من اننا نتكلم على صفحات الفيس بوك يا بنت عمى و عمنا كلنا، ووالدى بنفسه قال فى كذا لقاء قبل كدة أن علاقته بالفنان سعيد صالح وعادل امام كانت علاقة صداقة بعيد عن الفن و اشتغلوا سوا كتير و كل واحد مننا ممكن يقول كلمة عفوية دون قصد غلط …. و خصوصآ لما تتطلع الكلمة من جيل والدك و والدى لأن دة جيل عظيم و فاهم و واعى و خصوصآ انهم جيل واحد كمان و الجيل دا معروف بالحب أصلا لحد دلوقتى كمان)
وأضاف مراد قائلًا: (وكانت كلمة طلعت غلط أو سوء تفاهم حصل بشكل مفاجئ مش معناه انه غلط لا سمح الله فى الاستاذ سعيد أو بيقل من شأنه رحمة الله عليه و راعوا يا جماعة كبر السن و العفوية فى الكلام للناس الكبار … الناس دى فنانين كبار و اكبر من اننا نلوم عليهم او نحاسبه بالكلمة … لأن سعيد صالح دة نجم كبير و فكرى صادق فنان كبير برضو .. و شكرآ المهتمين و عارفين ان دة مش طبع والدى و ان عمره فى الوسط الفنى ما حد زعل منه)
وتابع: (الحمد لله احنا ناس فى حالنا مش بتوع مشاكل ولا تريند علشان الناس تعرف مين فكرى صادق أو نقيس بالتريند شعبية نجم كبير زى الاستاذ سعيد صالح ؟؟؟ و ربنا يرحم الجميع كل من عليها فان يا جماعة و كلمة ( فنان عادى) كلمة لا تقليل شأن ولا سب و قذف لأي حد)