وجهت الممثلة السورية تولين بكري رسالة لسلطان الطرب جورج_وسوف الذي يعاني كثيرًا بعدما فقد ابنه الكبير وديع، وقالت إنها ستعزيه على السوشيال ميديا لأنها حاولت الذهاب مع بعض الأشخاص الى العزاء لكنهم خذلوها.
اقرأ: جورج وسوف يرد على المتأسلمين – فيديو
وكتبت:
(رسالة لأبو وديع السلطان جورج وسوف ولأم وديع سلطانة الصبر وياريت اللي بيعرفون عن قرب يوصل هالكلمتين لأنو للاسف ماعاد عندي حل لوصل عزائي الا من خلال السوشال ميديا بما أنو معظم الناس اللي لجأت الهم لياخدوني معهم عالكفرون لقوم بواجب العزاء خذلوني….مو مهم..كل واحد بيعمل بأصلو .الدنيه محسوبيات ومظاهر)
وتابعت: (الأهم هو هالأب وهالانسان اللي قبل مايكون فنان جورج وسوف(مع حفظ أسمى الألقاب له) بدي قله مصابك كبير كتير ومصابنا كلنا وصعب شو ماحكينا وعزينا نلاقي بقاموس كلمات اللغة مفردات تبرد قلبك الكبير … وصعب كتير على أم وديع تتقبل هالفاجعة لفترة طويلة من الوقت..وانا أم بزمانها راح طفلها صغير.. وجنيت لبلشت استوعب حقيقة الفقد. ف كيف إذا كان شب)
اقرأ: رامي عياش عن ابن جورج وسوف: الأكسجين اتمنع عنه نصف ساعة!
وأضافت: (حاسة كتير بوجعكم وبكل لحظة وانا قاعدة لحالي عم بتخيل شو حاسين هلأ وعم يعصر قلبي من الوجع اقسم بالله ولكن بعرف كمان ادي ايمانكم كبير بالله وبقضاءه.. ودايما بقول شي وعن تجربة انو الوقت أعظم دوا بالإضافة للإيمان الوقت بس هو كفيل بترميم هالجرح ..وأد ماكان في حواليكم ناس عم تحكي وتصبر وتعزي وأد مااخدتو مهدئات طبية أو معنوية من العالم)
اقرأ: تولين بكري: لا أجيد التمثيل ولا أمتلك موهبة
وأكملت تولين برسالتها: (أعظم دوا بالفترة الجاية هو الصبر والايمان والوقت كفيل انو يخفف (شوي) من مصابكم لاتحرقوا قلب وديع بدموعكم لانو هو هلأ بمكان احلا بكتير من هون ودموعكم و وجعكم وأنينكم رح يزعلوه كتير..ادعولو…ونحنا عم ندعيلكم من قلوبنا.. الله يبرد حرقة قلبكم ويصبركم على مصابكم ويمرق الايام الجاية على خير لانو صحتك بتهمنا يا أبو الوديع.. خليك قوي ومؤمن متل مامنعرفك..ودموعك انت وام وديع نار عم تكوي قلوبنا..ربنا يكون معكم وكلنا ولادكم)