لا تزال الفنانة المصرية حورية_فرغلي مُصرة على اثارة الجدل بتصريحاتها الغريبة، والتي كان آخرها تصريحها بأنها تعيش برفقة أطفال من العالم الآخر في منزلها!
قالت حورية خلال لقائها مع المذيعة ”أسما إبراهيم“، في برنامج ”حبر سري“: ”دايما بشوف البنت قاعدة على السفرة وشعرها زي شعري كده كاريه، وهي صغيرة كده والولد لابس شورت وفانلة وتقريبا هما الاتنين في نفس السن، وصغيرين بس شكلهم لطيف جدا وكيوت كده شعرهم أسود وشبهنا كده“.
اقرأ: حورية فرغلي: أمينة خليل قريبتي وما سألتش عليا
واستضافت المذيعة قارئة كروت التاروت، لتفسير ما يحدث مع حورية، فقالت العالمة: ”دي كائنات مسلطة ومش جاية لكم من نفسها وخليني أقول مثلا معمول لك حاجة تشبه السحر ومش معمول سحر لا.. هما موقفين حالك وموقفين الدنيا كلها“.
كما تحدثت حورية فرغلي عن بعض الأشياء الغريبة التي كانت تراها: ”فيه فترة من الفترات كنت بسمع وأنا في السرير صوت كأن حد بيتنفس بصوت عالي فكذا يوم وأول يوم قولت بيتهيأ لي وبعد كده قولت لا فتحت الشباك لقيت بومتين بيض واقفين عند الشباك، وأنا في الزمالك ومعرفش جه منين دول بس بقالهم فترة مش بييجوا“.