اعلنت الفنانة المصرية داليا_البحيري، عن تعرضها لإصابة في يدها، بعد سقوطها على المسرح أثناء عرض مسرحيتها (سيدتي أنا).
روت البحيري تفاصيل ما حدث معها وكتبت: “حادثة صغيرة على ماقسم كده اختل توازني على المسرح ووقعت وقعة جامدة حبيتين … نزلت بكل حملي علي إيدي وحسيت برجة جامدة في دماغي، وجع رهيب إيدي ورمت قلت بس أنا اتكسرت كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس في مزق في وتر الإبهام أدى إلى أن العضمة اتحركت من مكانها ياختييييي”.
اقرأ: غادة عبد الرازق: اتضايقت لما قالوا طلاقي ال ١٢!
تابعت: “كل ده تمام وألف حمد وألف شكر أنها بتيجي على قد كده، المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده، لا عارفة البس ولا اقلع ولا افتح ازازة الماية مش عارفة أشيل حاجة مش عارفة افتح باب العربية ولا أي أكره مش عارفة اسرح شعري ولا أغسل وشي ولا أي حاجة، وكمان مش عارفة أعمل scroll مش عارفة أعمل like آه والله الـ Like بتوجعني جدا …بس برضو الحمد لله دائما وأبدا ما يقع إلا الشاطر”.
داليا البحيري احتفلت قبل يومين بحصول مسرحية “سيدتي أنا” على أفضل عرض مسرحي في المهرجان القومي للمسرح.
ومسرحية “سيدتي أنا” بطولة داليا البحيري، نضال الشافعي، فريد النقراشي، رؤية وإخراج محسن رزق، موسيقى محمود طلعت.