طالبت الفنانة المصرية داليا البحيري، الرئيس المصري عبد الفتاح السيسي، بتطبيق حظر تجوال شامل، لمنع تفشي فيروس كورونا المستجد، وهاجمت كل من يدافع عن العمالة اليومية، وقالت إن المؤسسات الخيرية ستقدم لهم العون.
كتبت البحيري عبر صفحتها: (مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه).
تابعت: (حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية وبقول معظم مش كل بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا).
اضافت: (وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية).
اختتمت البحيري رسالتها وقالت: (لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس).
البحيري تعرضت لهجوم عنيف بعدما كتبت هذا الكلام الذي هاجمت فيه أغلبية الشعب المصري وتحدثت بطريقة غير لائقة تماماً!
