منذ أيام قليلة اعلنت الفنانة المصرية رنا_سماحة، حملها بمولودها الأول من زوجها الملحن سامر أبو طالب.
اقرأ: رنا سماحة حامل بمولودها الأول – فيديو
ومع اعلانها عن حملها، لاحظ الجميع أن زوجها لم يعلق بحرف واحد ولم يهنئها، كما ألغت سماحة متابعتها لزوجها الملحن سامر أبو طالب، وهو أيضاً!
كما حذفا صورهما سوياً من تطبيق Instagram، مما اثار الشكوك حول انفصالهما.
ردت رنا على شائعات الانفصال وقالت في تصريحات تلفزيونية إنها تلاحظ إتجاه المشاهير للتحدث عن أزواجهم وزوجاتهم في الإعلام خلال العشر سنوات الأخيرة مضيفة “ده يقعد يشتم في دي، ودي تقعد تشتم في ده”.
وأشارت سماحة إلى أن البيوت لابد أن تتمتع بالخصوصية والاحترام حتى لو حدث الانفصال بين الزوجين فلا يجب أن يعلم الجميع ما حدث بينهما.
أما فيما يتعلق بانفصالها عن زوجها سامر أبو طالب بعد ولادة ابنها الاول قالت رنا سماحة “لا أستطيع إثبات أو نفي الإنفصال في الوقت الحالي.
كما كتبت عبر صفحتها:
(عذراً ايها ال trend فلدي ما هو اغلى من كنوز العالم، اتعلمت في بيت اهلي ان العلاقه بين الراجل والست امانه مينفعش تطلع بره البيت، خطيبتك مراتك طليقتك اياً كان، الامانه دي ولاد الاصول بس الي بيعرفوا يصونوها وميفشوش اسرارها، ولاد الاصول بس الي مبيكذبوش ولا بيتدعوا على بعض بالباطل، ولاد الاصول مبيقذفوش المحصنات (( كبيره من الكبائر ))، ولاد الاصول بس الي مبيخونوش الامانه، ولاد الاصول بس مبيفجروش في الخصام، ولاد الاصول مش محتاجين يستعطفوا حد ولا محتاجين يتدعوا المثاليه بيسيبوا اخلاقهم تتكلم عنهم ومبيتكلموش هم عنها).
تابعت:
(ولاد الاصول مبيلقحوش على بعض مبيجيبوش سيرة بعض غير بالخير ولاد الاصول بيعاشروا بالمعروف وبيفارقوا بالاحسان ومبينسوش الفضل بينهم ده الي ربنا امرنا بيه ده الي اهالينا ربونا عليه ده الي الانسانيه بتقوله اي حاجه غير كده تبقى عدم تربيه ..قلة دين .. انعدام اخلاق، انعدام الاخلاق ده مينفعش نزينه ونقول اوووووه ترند).
استكملت:
(في داهيه الترند الي ينسينا اخلاقنا وتربيتنا واصولنا الانسان بيعيش حياته وبيمشي (( رحله )) مش هيفضل منها غير سيرتك واعمالك الطيبه وكلمتك الي بتتصدق بيها سيبوا الخير وانتوا ماشيين عشان الناس تدعيلكم بدل ما يدعوا عليكم اجعل من يراك يدعو لمن رباك بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غيرفي شغلي فقط في الخير والفرحه وبس).
اختتمت كلامها: (عاهدت نفسي واهلي والناس الي بحبهم اني اكون خير قدوه عاهدت ابني الي عيني لسه مشافتوش اني اربيه على الاصول والاحترام والرقي عاهدته اني اربيه يبقى ((راجل)) ف متستنوش مني ما يفعله الاخرون مش عايزه ابقى ترند).
بهذه التصريحات يبدو واضحاً أن رنا انفصلت عن زوجها لكنها لا تريد اعلان الخبر بشكل صريح ولا تريد التحدث عن حياتها الشخصية من الأساس.