اعربت المذيعة المصرية ريهام_سعيد، عن حزنها الشديد بسبب المصاعب والأزمات التي تعرضت لها طوال مشوارها، واكدت إنها لا تسامح أي شخص تسبب في أذيتها، وتتمنى من الله أن يذيقه نفس ما ذاقته.

كتبت ريهام عبر صفحتها:

(حسبي الله و نعم و الوكيل في كل مفتري و في كل افاق ساهم انه يقضي علي مجهود سنين طويله . حسبي الله ونعم الوكيل في كل واحد ساهم انه يصدر فكره غلط عني و عن شخصيتي . حسبي الله و نعم الوكيل في كل واحد جاب سيرتي عشان يشدني لمشكله و اطلع في الاخر بتاعت مشاكل لما يكون ليه رد فعل . . حسبي الله و نعم الوكيل في كل واحد وقفت جنبه و اتخلي عني في وقت شده و عارفاهم بالاسم و مش هانسي . حسبي الله و نعم الوكيل في كل واحد مايعرفنيش و قال كلمه وحشه عني . حسبي الله ونعم الوكيل في كل صحفي كتب خبر في عز ازمتي عشان يقضي علي شغلي و اسمي انا ٢٢ سنه مقراتش كلمه كويسه مع اني حققت نجاح غير مسبوق . حسبي اله و نعم الًوكيل في كل واحد كتب بوست شتيمه عن جهل لما سمع و ماشافش المهم ان كل دول فاهمين انهم انتصروا غلطانين انا صحيح اعتزلت لكن انتوا كل يوم يتعرفوني اد ايه انا ناجحه و مهمه و شاطره . عرفتوني قيمه الحياه الحقيقيه و هي الزوج و العيله و الاولاد عرفتوني ان المتعه الحقيقيه في طاعه الله لكن اوعوا تستهونوا بحسبي الله و نعم الوكيل و الله الحق راجع و الاذي راجع تالت و متلت).

تابعت: (اما بقي الي رماني في السجن ظلم ده حسابه عند ربنا عسير انا ام سبت ابني عنده شهر من غير رضاعه من غير ما اعمل اي حاجه . انا عملت كتير بس مكنتش مستنيه شكرا بس مكنتش مستنيه برضوا افتري و اذي كده .الحمد لله. كتبت الكلام ده لاني تعبت من الافتري الي في كل حته و المصلحنجيه الي كانوا حواليه الي فص ملح و داب و الناس الي كسبت من ورايا ملايين ورموني في الاخر و خربوا بيتي . لكل الي افتري عليه يا رب تصحي من النوم تلاقي الصراصير ماشيه علي وشك زي ما تكون في قبرك و تفضل محبوس ايام مش عارف النهار من الليل في مكان ….ان شاء الله يحصل للك زي ما كان بيحصل لي عشان تعرف اني اقوي من اي حد و باذن الله ربنا يعرفك انك ظالم و غلطان و اني اتعذبت في حياتي بسبب امثالاك في جهنم ان شاء الله).

اختتمت كلامها: (عارفه ان معنديش ضهر و لا علاقات و لا نفوذ و لا حد واقف جنبي انا اول مره اطلب الدعم من زمايلي في المجالين و ياما اتطلب مني حاجات و محدش وقف جنبي لكن ليه رب اسمه الكريم العادل القهارانا ولا اخدت صور من علي موبايل و لا شتمت تخان و لا خطفت عيال و لا خليت التعلب يعيط يكفيني فخرا اني عمري ما كذبت و لا كنت بوشين حبيت بلدي اوي اوي دائما كنت بقول الحق يكفيني ان لغايت دلوقتي محدش عرف يحقق الي انا حققته من غير وسطه و لا امكانيات . .انا بتحارب بقالي ٦ سنين و لسه بتحارب بشده في كل حته معرفش ليه و من مين . يا رب يا رب يا رب اشوف حقي راجع من كل الي ظلمني قبل ما اموت).

كانت ريهام اعلنت عبر بث مباشر على السوشيال ميديا، اعتزالها مجال تقديم البرامج، بعد انتهاء عرض برنامجها (صبايا الخير)، عبر قناة النهار.

قالت سعيد: (أنا حبيت أظهر وأوضح للناس أنا ما اتوقفتش، لكن عقدي انتهى مع القناة ولم يحدث أي خلاف مادي أو مهني بسبب حلقة أم نور).

تابعت: (أنا محتاجة أستريح شوية وأشوف أولادي وأصيف، ومش عارفة هرجع لكم امتى تاني بس الفترة تعدي شوية).

المذيعة ريهام سعيد، تعرضت خلال الأشهر الماضية، لانتقادات على مواقع التواصل الاجتماعي، بعد حلقتها التي عُرضت على شاشة قناة النهار، وما سبقها من برومو تشويقي على صفحتها بموقع التواصل الاجتماعي والتي استضافت فيها اليوتيوبر “أم نور”، الشهيرة بمقاطع “الكفتة في غرفة النوم”.

وعبر رواد السوشيال ميديا عن استيائهم من هذا الإعلان واستنكروا ظهورها على الشاشة واتهم البعض ريهام سعيد بالإفلاس والفشل في تقديم مادة إعلامية جديدة على الشاشة.

ريهام اعتادت على قرار ايقاف برامجها، وليست المرة الأولى التي تواجه فيها هذا القرار، فسبق وتم ايقاف برنامجها من قبل بعد سخريتها من البدينات، ومن قبله تم ايقافه أيضاً لتقديمها محتوى يحرض على الجدل والشعوذة.

إقرأ: ريهام سعيد أهانت مرضى السمنة؟ – فيديو

ريهام لا تستطيع النجاح بقيمة ما تقدمه من محتوى جيد، بل تنجح فقط في اثارة الجدل بعرض مواضيع خارجة عن النطاق تستفز المشاهدين.

Copy URL to clipboard
26 يونيو 2022
11:00
آخر إحصاءات حالات كورونا في الوطن العربي
  إقرأ المزيد
25 يونيو 2022
10:15
سعر صرف الدولار صباح اليوم في لبنان
  إقرأ المزيد
24 يونيو 2022
23:33
استعدوا ليوم غضب في كافة المناطق اللبنانية
  إقرأ المزيد


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار